ஆஸ்திரேலியா vs பாகிஸ்தான் முதல் டெஸ்ட் : விளையாடும் லெவனை அறிவித்தது ஆஸ்திரேலியா
பாகிஸ்தானுக்கு எதிரான ஐசிசி உலக டெஸ்ட் சாம்பியன்ஷிப் தொடரின் முதல் டெஸ்ட் போட்டியில் ஆஸ்திரேலிய கிரிக்கெட் அணி வியாழக்கிழமை (டிசம்பர் 14) களமிறங்க உள்ளது. இந்த தொடரில் மூன்று போட்டிகள் விளையாடப்படும் நிலையில், முதல் போட்டிக்கான விளையாடும் லெவன் அணியை புதன்கிழமை ஆஸ்திரேலியா அறிவித்துள்ளது. சமீபத்தில் நடந்து முடிந்த ஒருநாள் உலகக்கோப்பையில் ஆஸ்திரேலியா ஆறாவது முறையாக பட்டம் வென்றதற்கு முக்கிய காரணமாக திகழ்ந்த டிராவிஸ் ஹெட் மீண்டும் டெஸ்ட் அணியின் துணை கேப்டனாக நியமனம் செய்யப்பட்டுளளார். பாட் கம்மின்ஸ் அணியின் கேப்டனாக உள்ள அதே நேரம், மற்றொரு துணை கேப்டனான ஸ்டீவ் ஸ்மித்தும் துணை கேப்டனாக செயல்படுவார் என ஆஸ்திரேலிய கிரிக்கெட் வாரியம் அறிவித்துள்ளது.
பாகிஸ்தானுக்கு எதிராக ஆஸ்திரேலியா விளையாடும் லெவன்
இந்த ஆண்டின் தொடக்கத்தில் இங்கிலாந்து கிரிக்கெட் அணிக்கு எதிரான ஆஷஸ் தொடரில் கடைசி மூன்று டெஸ்ட் கிரிக்கெட் போட்டிகளில் விளையாடாத சுழற்பந்துவீச்சாளர் நாதன் லயன் மீண்டும் அணிக்கு திரும்பியுள்ளார். டேவிட் வார்னர் மற்றும் உஸ்மான் கவாஜா ஆகியோர் தொடக்க ஆட்டக்காரர்களாக களமிறங்க உள்ளனர். அலெக்ஸ் கேரி மீண்டும் விக்கெட் கீப்பராக களமிறங்குகிறார். ஆஸ்திரேலியா விளையாடும் லெவன்: டேவிட் வார்னர், உஸ்மான் கவாஜா, மார்னஸ் லாபுசாக்னே, ஸ்டீவ் ஸ்மித், டிராவிஸ் ஹெட், மிட்ச் மார்ஷ், அலெக்ஸ் கேரி, மிட்செல் ஸ்டார்க், பாட் கம்மின்ஸ், நாதன் லியான், ஜோஷ் ஹேசில்வுட்.
