ஆசிய கோப்பை தொடக்க விழாவுக்கு ஜெய் ஷா செல்கிறாரா? பிசிசிஐ கூறுவது இதுதான்
செய்தி முன்னோட்டம்
பாகிஸ்தான் கிரிக்கெட் வாரியம் (பிசிபி) சமீபத்தில் இந்திய கிரிக்கெட் கட்டுப்பாட்டு வாரியத்தின் (பிசிசிஐ) செயலாளர் ஜெய் ஷாவை 2023 ஆசிய கோப்பை தொடக்க போட்டிக்கு விருந்தினராக பாகிஸ்தானுக்கு வருமாறு அழைப்பு விடுத்தது.
பிசிசிஐ செயலாளராக மட்டுமல்லாது ஆசிய கிரிக்கெட் கவுன்சிலின் தலைவராகவும் ஜெய் ஷா உள்ளார்.
ஆகஸ்ட் 30 அன்று முல்தானில் நடக்கும் ஆசிய கோப்பையின் தொடக்க போட்டியில் பாகிஸ்தான் மற்றும் நேபாள அணிகள் மோதுகின்றன.
இந்நிலையில், ஆசிய கோப்பையின் தொடக்க போட்டியில் பங்கேற்க ஜெய் ஷாவைத் தவிர, ஆசியக் கோப்பை 2023 தொடக்கப் போட்டிக்கான அழைப்பிதழ்களை ஆசிய கிரிக்கெட் கவுன்சில் உறுப்பு நாடுகளின் தலைவர்களுக்கும் பாகிஸ்தான் அனுப்பியுள்ளது.
bcci to decide participation in asian cup inaguration
பாகிஸ்தான் அழைப்புக்கு பிசிசிஐயின் முடிவு என்ன?
முன்னதாக, ஆசிய கோப்பை 2023 தொடர் முழுமையாக பாகிஸ்தானில் திட்டமிடப்பட்டிருந்த நிலையில், பிசிசிஐ இந்திய அணியை பாகிஸ்தானுக்கு அனுப்ப மறுத்ததை அடுத்து போட்டி ஹைபிரிட் முறைக்கு மாற்றப்பட்டது.
இதன்படி, போட்டிகள் பாகிஸ்தான் மற்றும் இலங்கையில் நடைபெற உள்ளன.
இந்தியாவின் முடிவால், பாகிஸ்தான் கிரிக்கெட் வாரியம் அதிருப்தியில் உள்ளதாகக் கூறப்பட்ட நிலையில், ஜெய் ஷாவை பாகிஸ்தானுக்கு அழைத்துள்ளது ஆச்சரியத்தை ஏற்படுத்தி உள்ளது.
ஜெய் ஷாவை அழைப்பதன் மூலம், பாகிஸ்தான் கிரிக்கெட் வாரியம் தங்களை அரசியலுடன் விளையாட்டை கலக்காத ஒருவராக காட்ட விரும்புவதாக இது பார்க்கப்படுகிறது.
இந்நிலையில், பிசிசிஐ தரப்பில் தங்களுக்கு அழைப்பிதழ் வந்துள்ளதாக தெரிவித்துள்ளதோடு, இது குறித்து ஆலோசித்து முடிவெடுக்கப்படும் என தெரிவித்ததாக தகவல் வெளியாகியுள்ளது.