புதிய டேப்லட்களை அறிமுகப்படுத்தியிருக்கிறது ஷாவ்மி.. என்னென்ன வசதிகள்?
செய்தி முன்னோட்டம்
ஷாவ்மி 13 அல்ட்ராவுடன், பேடு 6 ப்ரோ (Pad 6 Pro) மற்றும் பேடு 6 (Pad 6) ஆகிய இரண்டு டேப்லட் மாடல்களையும் சேர்த்து சீனாவில் அறிமுகப்படுத்தியிருக்கிறது ஷாவ்மி. டிஸ்பிளே மற்றும் விலை: இரண்டு டேப்லட்களிலுமே 144Hz ரெப்ரஷ் ரேட் கொண்ட 11-இன்ச் IPS டிஸ்பிளேவையே கொடுத்திருக்கிறது ஷாவ்மி. இரண்டு டேப்லட்களுமே ஆன்ட்ராய்டு 13-ஐ அடிப்படையாகக் கொண்ட MIUI 14 இயங்குதளத்திலேயே இயங்குகிறது. மேலும், டால்பி அட்மாஸ் வசதி கொண்ட நான்கு ஸ்பீக்கர்களையும் கொண்டிருக்கின்றன. பேடு 6 ப்ரோவின் 8GB/128GB-யின் விலை இந்திய மதிப்பில் ரூ.28,800-ல் தொடங்கி, அதன் டாப் எண்டான 12GB/512GB-யின் விலை ரூ.39,000 வரை நிர்ணயிக்கப்பட்டிருக்கிறது. பேடு 6-ன் விலை ரூ.22,000-ல் தொடங்கி, ரூ.27,300 வரை நிர்ணயிக்கப்பட்டிருக்கிறது.
டேப்லட்
ப்ராசஸர் மற்றும் பிற வசதிகள்:
6 ப்ரோ மாடலில் ஸ்னாப்டிராகன் 8+ ஜென் 1 ப்ராசஸர் பயன்படுத்தப்பட்டிருக்க, 6 மாடலில் ஸ்னாப்டிராகன் 870 ப்ராசஸர் பயன்படுத்தப்பட்டிருக்கிறது. 6 ப்ரோவில் 50MP+2MP ரியர் கேமராவும், 20MP செல்ஃபி கேமராவும் கொடுக்கப்பட்டிருக்கும் நிலையில், 6-ல் 13MP ரியர் கேமராவும், 8MP செல்ஃபி கேமராவும் கொடுக்கப்பட்டிருக்கிறது. 5G, வை-பை 6, ப்ளூடூத் 5.3 மற்றும் டைப் சி போர்ட் ஆகியவே இரண்டிலுமே கொடுக்கப்பட்டிருக்கிறது. ஆனால், 6 ப்ரோவில் பக்கவாட்டில் ஃபிங்கர்பிரிண்ட சென்சார் கொடுக்கப்பட்டிருக்கிறது, 6-ல் ஃபிங்கர்பிரிண்ட் சென்சார் கொடுக்கப்படவில்லை. 6 ப்ரோவில் 67W ஃபாஸ்ட் சார்ஜிங் வசதியுடன் 8,600mAh பேட்டரி கொடுக்கப்பட்டிருக்க, 6 மாடலில் 33W ஃபாஸ்ட் சார்ஜிங் வசதியுடன் 8,840mAh பேட்டரி கொடுக்கப்பட்டுள்ளது. இந்த டேப்லட்களை இந்தியாவிலும் வெளியிடனும்னு நினைக்கிறீங்களா?