AI சாட்போட்களால், IT வேலைக்கு ஆபத்தா? கூகுள் சிஇஓ சுந்தர் பிச்சை பதில்
தொடர்ந்து தொழில்நுட்பத்தில் முன்னேற்றம் கண்டிருக்கும் மனித இனம், தன்னுடைய மிக பெரிய சாதனையாக நினைப்பது, செயற்கை நுண்ணறிவை. அதன் பரிணாம வளர்ச்சிதான், தற்போது உலகெங்கிலும் பரபரப்பாக பேசப்படும் AI-திறனால் இயங்கும் சாட்போட்கள். ChatGPT, Bing AI மற்றும் Bard போன்ற AI-மூலம் இயங்கும் சாட்போட்கள், தற்போது பொதுமக்கள் பயன்பாட்டிற்க்காக அறிமுகப்படுத்தப்பட்டுள்ளது. ஆரம்பத்தில் அதன் திறமையை கண்டு குதூகலித்த மக்கள், தற்போது அதனால் ஏற்படப்போகும் ஆபத்துகளை எண்ணி கவலையில் உள்ளனர். இந்த சாட்போட்கள், கட்டுரைகளை எழுதவும், கோடிங்களை மதிப்பாய்வு செய்யவும் மற்றும் உங்களின் ஒரு வரி யோசனையை வைத்து, ஒரு கதையையே உருவாக்கவும் முடியும் என்பதால், தற்போது எழுத்தாளர்கள், மென்பொருள் பொறியாளர்கள் மற்றும் படைப்பாளிகளின் வேலைகளை, AI எடுத்துக்கொள்ளும் என்ற அச்சம் பரவி வருகிறது.
பதில் தரும் கூகிள் CEO சுந்தர் பிச்சை
இது குறித்து, ஒரு தனியார் நிகழ்ச்சியில், சுந்தர் பிச்சையிடம் கேள்வி கேட்கப்பட்டது. கூகுளில் உள்ள மென்பொருள் பொறியாளர்கள், தங்கள் வேலையைப் பற்றி கவலைப்பட வேண்டுமா என்று கேட்கப்பட்டதற்கு, நேரடியாக பதில் கூறாமல், "எந்தவொரு தொழில்நுட்பத்திற்கும், ஒருவர் தன்னை மாற்றி கொள்ள வேண்டும்" என்று அவர் கூறினார். "இந்த தொழிநுட்பத்திற்கு நிறைய சமூக மாறுதல் இருக்கும் என்று நான் நினைக்கிறேன்" என்றும் சுந்தர் பிச்சை கூறினார். இதோடு, மென்பொருள் பொறியாளர்களைப் பொறுத்தவரை, அவர்கள் வேலையின் ஒரு பகுதியாக, இதுநாள் வரை செய்து வந்த சில போரான வேலைகளை, AI மூலமாக சிறப்பாக செய்ய இயலும் எனவும் வேடிக்கையாக சுந்தர் பிச்சை குறிப்பிட்டார்.
இந்த காலவரிசையைப் பகிரவும்