புதிய வசதிகளை அறிமுகப்படுத்துகிறது வாட்ஸ்அப்!
வாட்ஸ்அப்பில் அனுப்பிய குறுஞ்செய்திகளை எடிட் செய்யும் வசதியை பீட்டா பயனாளர்களின் மூலம் சோதனை செய்யத் தொடங்கியிருக்கிறது வாட்ஸ்அப் நிறுவனம். இந்தப் புதிய வசதியினை வாட்ஸ்அப்பின் மொபைல் வெர்ஷன் மற்றும் வெப் வெர்ஷன இரண்டிலுமே தற்போது அந்நிறுவனம் சோதனை செய்து வருகிறது. வரும் வாரங்களில் இந்த வசதியை அனைத்து பயனர்களுக்கு வெளியிட அந்நிறுவனம் திட்டமிட்டிருப்பதாகத் தெரிகிறது. ஐஓஎஸ், ஆண்ட்ராய்டு மற்றும் வெப் என மூன்றிலும் இந்தப் வசதி சோதனை செய்யப்பட்டு வருகிறது. இந்தப் புதிய வசதியின் மூலம் பயனர்கள் தாங்கள் அனுப்பிய குறுஞ்செய்தியில் 15 நிமிடத்திற்கு எத்தனை முறை வேண்டுமானாலும் மாற்றம் செய்து கொள்ள முடியும்.
பிற புதிய வசதிகள்:
தெரியாத எண்களில் இருந்து வரும் வாட்ஸ்அப் கால்களை சைலன்ஸ் செய்யும் புதிய வசதியையும் தற்போது அந்நிறுவனம் சோதனை செய்து வருவதாகத் தெரிவிக்கப்பட்டுள்ளது. இவற்றைத் தவிர்த்து மேலும் 12 புதிய வசதிகளை அந்நிறுவனம் உருவாக்கி வருவதாகத் தகவல் வெளியாகியிருக்கிறது. இந்த புதிய வசதிகளை இனி வரும் அப்டேட்களின் மூலம் பீட்ட பயனாளர்களுக்கு சோதனை செய்ய வெளியிடவிருக்கிறது வாட்ஸ்அப். குழுவில் பகிரப்படும் குறுஞ்செய்திகளை அட்மின் ரிவ்யூ செய்யும் புதிய வசதியும் உருவாக்கத்தில் இருக்கிறதாம். இதன் மூலம், குழுவில் ஒருவர் அனுப்பிய குறுஞ்செய்தியை மற்றவர்கள் ரிப்போர்ட் செய்தால் அதனை குழுவின் அட்மினால் டெலிட் செய்ய முடியும். இந்த வசதிகள் அனைத்தையும் ஒவ்வொன்றாக தங்களின் அடுத்தடுத்த அப்டேட்களில் வாட்ஸ்அப் நிறுவனம் வெளியிடும் என எதிர்பார்க்கப்படுகிறது.
இந்த காலவரிசையைப் பகிரவும்