பிக்ஸல் 7a வெளியீடு.. சலுகை விலையில் 'கூகுள் பிக்ஸல் 6a'!
செய்தி முன்னோட்டம்
கூகுளின் வருடாந்திர I/O நிகழ்வு இன்று நடைபெறவிருக்கிறது. இந்திய நேரப்படி இரவு 10.30 மணிக்குத் தொடங்குகிறது அந்த நிகழ்வு. இந்த I/O நிகழ்வில் பல புதிய சாதனங்களை கூகுள் அறிமுகப்படுத்தும் என எதிர்பார்க்கப்படுகிறது. அப்படி எதிர்பார்க்கப்படும் சாதனங்களுள் ஒன்று பிக்ஸல் 7a. பிக்ஸல் 6a-வின் அடுத்த கட்டமாக இந்த பிக்ஸல் 7a-வை வெளியிடவிருக்கிறது கூகுள். பிக்ஸல் 6a-வானது வெளியீட்டின் போது ரூ.43,999-க்கு அறிமுகப்படுத்தப்பட்டது. ஆனால், தற்போது புதிய மொபைல் வெளியீட்டைத் தொடர்ந்து சுமார் 36% சலுகை விலையில் ஃப்ளிப்கார்ட் தளத்தில் கிடைக்கிறது கூகுள் பிக்ஸல் 6a. மேலும், பழைய மொபைலுக்கான எக்ஸ்சேஞ்சுக்கு ரூ.26,750 வரை தள்ளுபடி வழங்குகிறது கூகுள்.
கூகுள்
வங்கி சலுகைகள்:
கூகுள் 6a-வை ஃபிளிப்கார்ட் தளத்தில் வாங்கும் தங்களுடைய கிரெடிட் கார்டு வாடிக்கையாளர்களுக்கு உடனடி சலுகையாக 10% (ரூ.750 வரை மட்டும்) வழங்குகிறது SBI வங்கி. மேலும், EMI பரிமாற்றம் என்றால் உடனடி சலுகையாக 10% (ரூ.1,250 வரை மட்டும்) வழங்குகிறது SBI. இந்த பிக்ஸல் 6a-வுடன் ரூ.7,999 மதிப்புடைய கூகுள் பட்ஸையும் ரூ.5,000-க்குப் பெற்றுக் கொள்ளமுடியும். கூகுளின் டென்சார் பிராசஸரைக் கொண்டிருக்கும் பிக்ஸல் 6a-வானது, 6GB ரேம் மற்றும் 128GB ஸ்டோரேஜ் வசதியுடன் கிடைக்கிறது. 6.14 இன்ச் OLED டிஸ்பிளே, 12.2MP + 12MP ரியர் கேமார, 8MP செல்ஃபி கேமரா, 4410mAh பேட்டரி மற்றும் வைபை 6 ஆகிய வசதிகளைக் கொண்டிருக்கிறது.