இந்த ஜூலை மாதம் இந்தியாவில் வெளியாகும் ஸ்மார்ட்போன்கள், பகுதி 2
செய்தி முன்னோட்டம்
ஓப்போ ரெனோ 10 சீரிஸ்:
இந்த ஆண்டு தொடக்கத்தில் சீனாவில் அறிமுகப்படுத்தப்பட்ட ரெனோ 10 சீரிஸ் ஸ்மார்ட்போன்களை இந்த மாதம் இந்தியாவில் வெளியிடத் திட்டமிட்டிருக்கிறது ஓப்போ நிறுவனம். இந்த சீரிஸில், ரெனோ 10, 10 ப்ரோ மற்றும் 10 ப்ரோ ப்ளஸ் ஆகிய மூன்று ஸ்மார்ட்போன்களை வெளியிடவிருக்கிறது ஓப்போ.
ஐகூ 11S மற்றும் ஐகூ நியோ 7 ப்ரோ:
இந்தியாவில் ஐகூ நியோ சீரிஸின் முதல் ப்ரோ மாடலாக வெளியாகவிருக்கிறது நியோ 7 ப்ரோ. இந்த ஸ்மார்ட்போனை வரும் ஜூலை 4-ம் தேதி இந்தியாவில் வெளியிடவிருக்கிறது ஐகூ.
குவால்காமின் ஃப்ளாக்ஷிப் ப்ராசஸருடன் மற்றும் 200W சார்ஜிங் வசதியைக் கொண்ட தங்களது ஃப்ளாக்ஷிப் 11S மாடலையும் இந்த மாதம் வெளியிடவிருக்கிறது ஐகூ.
ஸ்மார்ட்போன்
ஒன்பிளஸ் நார்டு 3 5G மற்றும் ஒன்பிளஸ் நார்டு CE 3 5G:
வரும் ஜூலை 5-ம் தேதி நார்டு 3 மற்ரும் நார்டு CE 3 ஆகிய இரண்டு ஸ்மார்ட்போன்களை இந்தியாவில் வெளியிடவிருக்கிறது ஒன்பிளஸ்.
நார்டு 3-யானது ஃப்ளாக்ஷிப் வசதிகளைப் பெறவிருக்கும் நிலையில், கடந்த ஆண்டு வெளியான நார்டு CE 2-வின் அப்டேட்டட் வெர்ஷனாக வெளியாகவிருக்கிறது நார்டு CE 3. அமேசான் தளத்தின் மூலம் இந்த ஸ்மார்ட்போன்கள் விற்பனை செய்யப்படவிருக்கின்றன.
ரியல்மீ நார்சோ 60 சீரிஸ் 5G:
நார்சோ 60 சீரிஸின் கீழ் இரண்டு புதிய ஸ்மார்ட்போன்களை வரும் ஜூலை 6-ம் தேதி இந்தியாவில் அறிமுகப்படுத்தவிருக்கிறது ரியல்மீ.
ரியல்மீ 11 ப்ரோ சீரிஸைப் போலவே, வீகன் லெதர், கர்வ்டு டிஸ்பிளே ஆகிய வசதிகளோடு வெளியாகிவிருக்கிறன நார்சோ 60 சீரிஸ் ஸ்மார்ட்போன்கள்.