யூனியன் பட்ஜெட் 2023; ஆண்டு வருமானம் ரூ7 லட்சம் வரை பெறுவோருக்கு வருமான வரி இல்லை
நிதி அமைச்சர் நிர்மலா சீதாராமன் 2023ஆம் ஆண்டிற்கான பட்ஜெட்டை தாக்கல் செய்தார். அதன்படி, ஆண்டு வருமானம் ரூ7 லட்சம் வரை பெறுவோருக்கு வருமான வரி இல்லை என தெரிவித்துள்ளார். மேலும், வருமான வரிக்கான உச்சவரம்பு ரூ2.5 லட்சத்தில் இருந்து ரூ 3 லட்சமாக உயர்வு. மேலும், ஒட்டுமொத்த சந்தைக்கடன் ரூ. 5.4 லட்சம் கோடியாக மதிப்பிடப்பட்டுள்ளது. உள்நாட்டு உற்பத்திக்கு ஊக்கமளிக்கவும், ஏற்றுமதியை ஊக்குவிக்கவும் மறைமுக வரிகளில் மாற்றங்கள் ஏற்படுத்தப்படும். வெளிநாடுகளில் இருந்து இறக்குமதி செய்யப்படும் சிகரெட்டுகள் மீதான வரி உயர்வு. வருமான வரி படிவம் எளிமையாக்கப்படும். சைக்கிள், பொம்மைகளுக்கான இறக்குமதி வரி குறைப்பு. லித்தியம் பேட்டரி இறக்குமதி வரி குறைப்பு. டிவி பேனல்களுக்கான சுங்க வரி 2.5% குறைப்பு.
யூனியன் பட்ஜெட் 2023: வருமான வரி விகித அட்டவணை
தனிநபர் வருமான வரி: புதிய வரி விகிதங்கள் 0 முதல் ரூ 3 லட்சம் வரை - பூஜ்யம், ரூ 3 முதல் 6 லட்சம் வரை - 5%, ரூ 6 முதல் 9 லட்சம் வரை - 10%, ரூ 9 முதல் 12 லட்சம் வரை - 15%, ரூ 12 முதல் 15 லட்சம் வரை - 20% மற்றும் 15 லட்சத்திற்கு மேல் - 30%," என அறிக்கையை வெளியிட்டார் மத்திய நிதி அமைச்சர் நிர்மலா சீதாராமன். வெள்ளி மீதான சுங்க வரி உயர்வு- வெள்ளி பொருட்கள் விலை உயருகிறது. சிகரெட்டுகள் விலை உயரும்- சிகரெட்டுகள் மீது கூடுதல் வரி விதிப்பு.
