நிலவின் மணல் மாதிரியில் ஆக்ஸிஜனை பிரித்தெடுத்து சாதனை படைத்த நாசா!
செய்தி முன்னோட்டம்
சீனாவிற்கு முன்னதாக நிலவில் நீண்ட கால இருப்பை அடைய திட்டமிட்டு வந்தது அமெரிக்காவின் நாசா. நிலவிலேயே இருந்து ஆராய்ச்சிகள் மேற்கொள்வதன் மூலம், நம்முடைய இயற்கையான துணைக்கோள் பற்றி நிறைய தகவல்களை நம்மால் தெரிந்து கொள்ள முடியும்.
நிலவில் நீண்ட கால இருப்பை சாத்தியப்பபடுத்த வேண்டுமானால், அதற்கு முதலில் நிலவில் உள்ள வளங்களைப் பயன்படுத்த நாம் தொடங்கியிருக்க வேண்டும்.
அதனை அடைவதில் தற்போது மேலும் ஒரு படியை எடுத்து வைத்திருக்கிறது நாசா. நிலாவில் இருக்கும் மணலின் தன்மைகளைப் போலவே உருவகப்படுத்தப்பட்ட மனலில் ஆக்ஸிஜனை பிரித்தெடுத்திருக்கின்றனர் நாசாவின் ஹவுஸ்டன் ஆய்வக விஞ்ஞானிகள்.
மேலும், இந்த செயல்பாட்டை வெற்றிடத்தில் செய்திருக்கின்றனர் விஞ்ஞானிகள். ஆக்ஸிஜனை பிரித்தெடும் செயல்பாடை விஞ்ஞானிகள் வெற்றிடத்தில் வெற்றிகரமாக மேற்கொண்டது இதுவே முதல் முறை.
விண்வெளி
நாசாவின் திட்டம் என்ன?
நிலவில் என்ன விதமான சூழ்நிலை இருக்குமோ, அதே போன்ற கட்டுப்படுத்தப்பட்ட சூழ்நிலையில் ஆக்ஸிஜனை பிரித்தெடுத்திருக்கிறார்கள்.
நிலவின் மணலையொத்த மணலை அதிசக்தி வாய்ந்த லேசர் கதிர் கொண்டு சூடுபடுத்தும் போது, அதில் MSolo என்ற கருவியைக் கொண்டு கார்போன் மோனாக்ஸைடின் இருப்பைக் கண்டறிந்துள்ளனர்.
இந்த MSolo கருவியையே அடுத்து செயல்படுத்தவிருக்கும் நிலவின் தென் துருவ திட்டங்களுக்குப் பயன்படுத்தவிருக்கிறது நாசா.
இந்த இரண்டு திட்டங்களில் ஒன்று, நிலவின் தென்துருவங்களில் தண்ணீர் இருப்பதை ஆராய்வதற்காக அனுப்பப்படும் VIPER திட்டம். இத்திட்டமானது அடுத்த ஆண்டு நவம்பர் மாதம் செயல்படுத்தப்படவிருக்கிறது.
மேலும், இந்தத் தொழில்நுட்பங்களை அடுத்து செயல்படுத்தவிருக்கும் ஆர்டிமிஸ் திட்டங்களிலும் பயன்படுத்தப்படும் எனத் தெரிவித்திருக்கிறது நாசா.