அக்டோபர் 12ல் 'சைக்' திட்டத்தை செயல்படுத்தவிருக்கும் நாசா
செய்தி முன்னோட்டம்
வரும் அக்டோபர் 12ம் தேதியன்று தங்களுடைய புதிய விண்வெளித் திட்டமான சைக் திட்டத்தை (Psyche Mission) செயல்படுத்தத் தயாராகி வருகிறது அமெரிக்க விண்வெளி ஆய்வு நிறுவனமான நாசா.
சூரிய குடும்பத்தில் செவ்வாய் மற்றும் வியாழன் கோள்களின் சுற்றுவட்டப்பாதைகளுக்கு இடையே அமைந்திருக்கிறது பல்லாயிரம் சிறுகோள்களை உள்ளடக்கிய ஆஸ்டிராய்டு பெல்ட் (Asteroid Belt).
இந்த ஆஸ்ட்ராய்டு பெல்டில் அமைந்திருக்கும் 16 சைக் என்ற சிறுகோளை ஆய்வு செய்வதற்காகவே இந்த சைக் திட்டத்தை செயல்படுத்துகிறது நாசா.
சைக் 16 சிறுகோளானது இரும்பு, நிக்கல் மற்றும் பல்வேறு உலோகங்களான ஆன சிறுகோளாகா உருவாகியிருக்கிறது. இந்த சிறுகோளானது 10,000 குவாட்ரில்லியன் டாலர்களாக அளவிற்கு மதிப்பிடப்பட்டிருக்கிறது.
நாசா
ஏன் சைக் 16 சிறுகோளை ஆய்வு செய்ய திட்டமிடுகிறது நாசா?
சூரிய குடும்பத்தில் உள்ள மெர்குரி, வீனஸ் மற்றும் பூமி ஆகிய கோள்களின் உட்பகுதிகளானது பல்வேறு உலோகங்களால் ஆகியிருக்கிறது. கிட்டத்தட்ட நமது கோளின் நடுப்பகுதி போன்ற ஒரு கட்டமைப்பையே கொண்டிருக்கிறது சைக் 16.
எனவே, இந்தக் கோளை ஆய்வு செய்வதன் மூலம் கோள்களின் உருவாக்கம் குறித்துத் தெரிந்து கொள்ள முடியும் எனக் கருதுகின்றனர் நாசா விஞ்ஞானிகள்.
280கிமீ அகலம் மற்றும் 232கிமீ நீளமுடைய இந்த சைக் 16 சிறுகோளை ஆய்வு செய்வதற்கான ஆய்வுக்கலனை, வரும் அக்டோபர் 12ம் தேதியன்று ஸ்பேஸ்எக்ஸின் ஃபால்கன் ஹெவி ராக்கெட் மூலம் விண்ணில் செலுத்தத் திட்டமிட்டிருக்கிறது நாசா.
அமெரிக்காவின் ஃப்ளோரிடா மாகாணத்திலுள்ள நாசாவின் கென்னடி விண்வெளி மையத்திலிருந்து இந்த ஏவலை செயல்படுத்தத் திட்டமிட்டிருக்கிறது நாசா.