ஐபிஎல் முதல் ரத்தன் டாடா வரை: இந்தாண்டின் டாப் 10 கூகிள் ட்ரென்ட்ஸ்
செய்தி முன்னோட்டம்
கூகுள் வெளியிட்ட தரவுகளின்படி, இந்தியன் பிரீமியர் லீக் (ஐபிஎல்), டி20 உலகக் கோப்பை மற்றும் பிஜேபி ஆகியவை 2024 ஆம் ஆண்டில் இந்தியாவில் அதிகம் தேடப்பட்ட முக்கிய வார்த்தைகளில் அடங்கும்.
இது இந்தியர்களிடையே இருக்கும் கிரிக்கெட் மற்றும் அரசியல் ஆர்வத்தை பிரதிபலிக்கிறது.
கிரிக்கெட் போட்டியின் இறுதிப் போட்டிக்கு சில நாட்களுக்கு முன்பு, குறிப்பாக மே 12 மற்றும் 18ஆம் தேதிகளில் "இந்தியன் பிரீமியர் லீக்" என்ற முக்கிய வார்த்தைக்கான தேடல் உச்சத்தை எட்டியது.
இந்தியாவில் உள்ள பயனர்கள் "டி20 உலகக் கோப்பை"யையும் கூகுள் செய்துள்ளனர்.
இது இந்தியாவில் 2024 ஆம் ஆண்டின் ஒட்டுமொத்த கூகுள் தேடலில் இரண்டாவது இடத்தைப் பிடித்தது.
அரசியல்
அரசியல் குறித்து தேடல்
அரசியலில், அதிகம் தேடப்பட்ட முக்கிய வார்த்தை "பாரதிய ஜனதா கட்சி" ஆகும்.
கூகிளில் இந்த தேடல்கள் ஜூன் 2 மற்றும் 8க்கு இடையில், குறிப்பாக ஏழு கட்ட மகத்தான மக்களவைத் தேர்தல் 2024 இன் முடிவுகள் அறிவிக்கப்பட்ட தேதியில் (ஜூன் 4) அதிகரித்தன.
"தேர்தல் முடிவுகள் 2024" என்பது இந்த ஆண்டு Google தேடலில் ஆதிக்கம் செலுத்தி நான்காவது இடத்தைப் பிடித்த மற்றொரு தொடர்புடைய முக்கிய வார்த்தையாகும்.
விளையாட்டு
அதிகம் தேடப்பட்ட விளையாட்டு சம்மந்தப்பட்ட வார்த்தைகள்
பாரீஸ் ஒலிம்பிக் 2024, ப்ரோ கபடி லீக் மற்றும் இந்தியன் சூப்பர் லீக் ஆகியவையும் இந்த ஆண்டு குறிப்பிடத்தக்க தேடல் தொகுதிகளைக் கொண்டிருந்தன.
இது கிரிக்கெட்டைத் தாண்டி விளையாட்டுகளுக்கான இந்தியாவில் அதிகரித்து வரும் ஆர்வத்தை எடுத்துக்காட்டுகிறது.
மற்றவை
அதிகம் தேடப்பட்ட மற்ற தகவல்கள்
சுற்றுச்சூழல் மற்றும் வானிலை தொடர்பான கவலைகள் இந்தியர்களிடையே எதிரொலித்தது.
2024 இல் "அதிகமான வெப்பம்" பற்றிய தேடல்கள் அதிகரித்தன.
இது கோடையில் அதிகரித்த வெப்பநிலையின் தாக்கத்தை பிரதிபலிக்கிறது.
மறுபுறம் ஆளுமைகளில், ரத்தன் டாடா தேடல்களில் முன்னிலையில் உள்ளார்.
அவர் அக்டோபர் மாதம் இறந்த போது அவரைப்பற்றிய தேடல் அதிகரித்தது.
இந்த ஆண்டு ஜூலை மாதம் கோடீஸ்வரர் முகேஷ் மற்றும் நீதா அம்பானியின் இளைய மகன் ஆனந்த் அம்பானியை மணந்த ராதிகா மெர்ச்சன்ட், இந்தியாவில் அதிகம் கூகுள் செய்யப்பட்டவர்களில் ஒருவர் என்பது குறிப்பிடத்தக்கது.