ChatGPT-யை காலி செய்ய வரும் எலான் மஸ்க்கின் TruthGPT!
ட்விட்டர் மற்றும் டெஸ்லா, ஸ்பேஸ் எக்ஸ் -ன் நிறுவனரான எலான் மஸ்க் சாட்ஜிபிடிக்கு போட்டியாக TruthGPT செயற்கை நுண்ணறிவை தொடங்கப் போவதாக கூறியுள்ளார். அந்த வகையில், பல வேலைகளை எளிதாக்கும் ஏஐ-யை தொழிலதிபர் எலான் மஸ்க் தொடங்க உள்ளார். அவர் சமீபத்தில் பேட்டி ஒன்றில் தெரிவிக்கையில், "நான் 'TruthGPT' அல்லது உலகின் இயல்பைப் புரிந்துகொள்ள முயற்சிக்கும் அதிகபட்ச உண்மையைத் தேடும் ஒரு AI-யை தொடங்கப் போகிறேன்" என கூறியுள்ளார். மேலும், இவை பாதுகாப்பிற்கான சிறந்த பாதையாக இருக்கும் என நினைக்கிறேன். உலகத்தை புரிந்துகொள்ளவதில் அக்கறை கொண்ட ஏஐ, மனிதர்களை அழிப்பதில் சாத்தியமில்லை, ஏனென்றால் நாம் உலகின் ஒரு சுவாரஸ்யமான பகுதியாக இருக்கிறோம் என தெரிவித்துள்ளார்.