உலகளாவிய கணினி செயலிழப்பிற்கான காரணத்தை வெளியிட்டது கிரவுட்ஸ்ட்ரைக்
செய்தி முன்னோட்டம்
அமெரிக்க சைபர் செக்யூரிட்டி நிறுவனமான கிரவுட்ஸ்ட்ரைக், ஜூலை மாதம் உலகளவில் மைக்ரோசாஃப்ட் கணினிகளை செயலிழக்கச் செய்த தவறான மென்பொருள் புதுப்பிப்புக்கான மூல காரணத்தை வெளிப்படுத்தியுள்ளது.
கிரவுட்ஸ்ட்ரைக் நிறுவனம் இதுகுறித்து வெளியிட்டுள்ள 12-பக்க பகுப்பாய்வு, அதன் ஃபால்கன் மென்பொருள் புதுப்பிப்பில் கண்டறியப்படாத சென்சார் இந்த சம்பவத்தின் பின்னணியில் உள்ள இருந்ததாக சுட்டிக்காட்டியுள்ளது.
இது தற்போது "புளூ ஸ்கிரீன் ஆஃப் டெத் (பிஎஸ்ஓடி) வெள்ளிக்கிழமை" என்று அழைக்கப்படுகிறது. முன்னதாக, இந்த செயலிழப்பு ஜூலை 19 அன்று உலகளவில் 8.5 மில்லியன் விண்டோஸ் சிஸ்டம்களை பாதித்தது.
ரான்சம்வேர், மால்வேர் மற்றும் இணையப் பாதுகாப்பிற்காக வணிகங்கள் மற்றும் பெரிய நிறுவனங்களால் பரவலாகப் பயன்படுத்தப்படும் ஃபால்கன் சென்சார் தயாரிப்பு, புதுப்பிப்பில் சிக்கலை எதிர்கொண்டது.
பின்விளைவுகள்
கணினி செயலிழப்பின் தாக்கம் மற்றும் பின்விளைவுகள்
விண்டோஸின் ஓஎஸ் உடன் ஃபால்கனின் ஆழமான ஒருங்கிணைப்பின் காரணமாக இந்த கணினி செயலிழப்பு குறிப்பிடத்தக்க விளைவுகளை ஏற்படுத்தியது. ஃபால்கன் செயலிழந்தபோது, அது முழு அமைப்பையும் தோல்வியடையச் செய்து, பிஎஸ்ஓடிக்கு வழிவகுத்தது.
இந்நிலையில், என்ன நடந்தது என்பதை விளக்குவதற்காக கிரவுட்ஸ்ட்ரைக்கின் சிஇஓ ஜார்ஜ் கர்ட்ஸ் அமெரிக்க காங்கிரஸின் முன் அழைக்கப்பட்டுள்ளார்.
கர்ட்ஸ் இந்த வாரம் தோல்விக்கு மன்னிப்பு கேட்டார் மற்றும் எதிர்காலத்தில் இதுபோன்ற சம்பவங்களைத் தடுக்க நடவடிக்கைகள் எடுக்கப்பட்டு வருவதாக உறுதியளித்தார்.
இதற்கிடையே, இந்த சம்பவம் கிரவுட்ஸ்ட்ரைக்கின் தர உத்தரவாதம் செயல்முறைகள் பற்றிய கேள்விகளை எழுப்பியுள்ளது.