அட்சய திருதியை முடிந்தும் உச்சத்தை தொட்ட தங்கம் விலை! இன்றைய நிலவரம்
தங்கம் விலை அன்றாடம் ஏற்றம் மற்றும் இறக்கத்துடனே செல்கிறது. அமெரிக்க வங்கிகள் திவால் மற்றும் அமெரிக்க டாலரின் மதிப்பு சரிவு போன்ற காரணங்களால், சர்வதேச சந்தையில் தங்கத்தின் விலையில் பல மாற்றங்கள் ஏற்படுகிறது. அந்த வகையில், இன்றைய நாள் ஏப்ரல் 25 ஆம் தேதிப்படி தங்கம் விலையானது, 22 காரட் ஆபரண தங்கம் கிராமுக்கு 10 ரூபாய் உயர்ந்து 5,615 ரூபாய்க்கு விற்பனையாகிறது. சவரனுக்கு 80 ரூபாய் வீதம் உயர்ந்து ரூ.44,920 ஆகவும் விற்பனையாகிறது. வெள்ளியானது கிராமுக்கு 40 காசுகள் குறைந்து ஒரு கிராம் வெள்ளி ரூ.80.00 எனவும், ஒரு கிலோ வெள்ளி ரூ.80,000 எனவும் விற்பனையாகிறது.
