பணி ஆண்டுவிழாவைக் கொண்டாடும் ஊழியருக்கு சிறப்பு பரிசு அளித்த ஆப்பிள்
செய்தி முன்னோட்டம்
தங்கள் வணிக நிறுவனத்தில் பணிபுரிபும் ஊழியர்கள் குறிப்பிட்ட ஆண்டுகள் பணிநிறைவு செய்வதை கொண்டாடுவதை பல பெருநிறுவனங்கள் தங்கள் நிறுவன கலாச்சாரத்தின் ஒரு பகுதியாக வைத்திருக்கின்றன.
அந்த வகையில் ஊழியர்களை முதன்மைப்படுத்துவதில் ஆப்பிள் முன்னோடி. தங்கள் ஊழியர்களுக்கென சில அறிவிப்புகளை அந்நிறுவனம் அவ்வப்போது வெளியிடும். மேலும், தங்கள் நிறுவனத்தில் பணிபுரியும் ஊழியர்களை பணி ஆண்டு விழாக்களை சிறப்பிக்க சில பிரத்தியேகமான தயாரிப்புகளையும் வைத்திருக்கிறது ஆப்பிள்.
அப்படி ஆப்பிள் தனக்கு அளித்த பணிநிறைவு ஆண்டுவிழா பரிசு ஒன்றை ஆப்பிள் ஊழியர்கள் ஒருவர் பிரித்து, அதன் புகைப்படத்தையும், அன்பாக்ஸிங் காணொளியையும் எக்ஸ் தளத்தில் பதிவிட, அது தற்போது வைரலாகியிருக்கிறது.
ஆப்பிள்
ஆப்பிள் கொடுத்த சிறப்பு பரிசு:
ஆப்பிள் நிறுவனத்தில் பணிபுரியும் மார்கோஸ் அலோன்சோ என்ற பணியாளர் அந்நிறுவனத்தில் பணியில் இணைந்து பத்து ஆண்டுகள் நிறைவடைந்ததை கொண்டாடும் விதமாக அலுமினியத்தால் ஆன மொமண்டோ ஒன்றைக் கொடுத்திருக்கிறது அந்நிறுவனம்.
அந்த மொமண்டோவின் முகப்புப் பகுதியில் ஆப்பிளின் சின்னம் பெரிய அளவில் இடம்பெற்றிருக்கிறது. அதன் பக்கவாட்டுப் பகுதியில், அந்த ஊழியர் பத்து ஆண்டுகள் நிறைவு செய்ததைக் குறிப்பிடும் விதமாக 10 என்ற எண் பொறிக்கப்பட்டிருக்கிறது.
மேலும், அவருடைய பெயரும், 10 பணியாண்டுகள் நிறைவு செய்த தேதியும் பக்கவாட்டுப் பகுதியில் 10 என்ற எண்ணுக்கு கீழே பொறிக்கப்பட்டிருக்கின்றன.
இந்த மொமண்டோவானது ஆப்பிள் ஊழியர்களுக்கு மட்டுமே அளிக்கப்படும் தனிப்பட்ட தயாரிப்பு என்பதால், ஆப்பிள் ஊழியர்களுக்கு இது ரொம்பவே ஸ்பெஷல்.
ட்விட்டர் அஞ்சல்
ஆப்பிள் ஊழியரின் எக்ஸ் பதிவு:
And the unboxing video pic.twitter.com/pKLd2XhDFs
— Marcos Alonso (@malonso) October 28, 2023