சாட்ஜிபிடி-க்கு போட்டியாக சீனா உருவாக்கியிருக்கும் புதிய AI
செய்தி முன்னோட்டம்
OpenAI-யின் சாட்ஜிபிடிக்கு போட்டியாக பல நிறுவனங்களும் தங்களுடைய சொந்த AI சாட்பாட்டை உருவாக்கும் முயற்சியில் இருக்கின்றன.
அந்த வகையில் சமீபத்தில் சீனாவைச் சேர்ந்த அலிபாபா குழுமத்தின் உதவியுடன் சென்ஸ்டைம் என்ற நிறுவனம் AI மாடல் ஒன்றை வெளியிட்டது.
அதனைத் தொடர்ந்து தற்போது அலிபாபா குழுமமே டோங்யீ கின்வென் என்ற புதிய AI மாடலை வெளியிட்டிருக்கிறது.
பல வருடங்களாகவே சீன நிறுவனங்கள் AI தொழில்நுட்பம் சார்ந்த சேவைகளை வழங்குவதில் தொடர்ந்து வேலை செய்து வந்தன.
சாட்ஜிபிடி-யின் வரவு, அதனை விட சிறப்பான மேம்படுத்தப்பட்ட ஒரு சேவையை வழங்க வேண்டும் என்ற அழுத்தத்தைக் மற்ற AI சார்ந்த நிறுவனங்களுக்குக் கொடுத்திருக்கிறது.
செயற்கை நுண்ணறிவு
AI போட்டியில் வெற்றி பெறப் போவது யார்?
இந்த புதிய AI மாடலானது சாட்ஜிபிடி-யை போலவும், அதனை விட மேலான வேலையகளைச் செய்யும் எனவும் அந்நிறுவனம் தெரிவித்திருக்கிறது.
இந்த புதிய AI மாடலை விரைவில் தங்களது வணிக சேவைகளுடன் இணைத்துப் பயன்படுத்த வேண்டும் என அலிபாபா திட்டமிட்டு வருகிறது.
தங்களுடைய இந்த புதிய டோக்யீ AI மாடலை முழுமையாக வணிக நோக்கத்தினை மனதில் வைத்தே உருவாக்கியிருக்கிறது அலிபாபா நிறுவனம்.
சாட்ஜிபிடி செய்யக்கூடிய அனைத்து வேலைகளையும் டோங்யீ-ம் செய்கிறது. இதில் இருந்து ஒரு விஷயம் மட்டும் தெளிவாகிறது.
சாட்ஜிபிடி-க்கு சிறந்த போட்டியாளரை சீன நிறுவனங்கள் விரைவில் உருவாக்கும் என்பது மட்டும் உறுதி.