புதுசு கண்ணா புதுசு: 2023இல் வைரலான வினோதமான ஃபூட் காம்பினேஷன்கள் சில
செய்தி முன்னோட்டம்
'ரிஸ்க் எடுக்கிறது ரிஸ்க் சாப்பிடற மாதிரி' என மனிதர்கள் பலரும் வாழ்க்கையில் பரிசோதனை செய்து மகிழ்கிறார்கள். ஆனால் உணவு பரிசோதனை என்பது சிறிது சிக்கலான சமாச்சாரம். சில நேரங்களில் இந்த பரிசோதனை முயற்சி வெற்றியடையும், பல நேரங்களில் பேரிடரை போல முடியக்கூடும். ஆனாலும் ஆண்டுதோறும், சில வினோதமான உணவுகள் வைரலாவதுண்டு. இது போன்ற வைரல் உணவுகள், சோஷியல் மீடியாவில் லைக்ஸ் பெறுவதற்காக மட்டுமே பெரும்பாலும் செய்யப்படுகிறது. அவற்றை எல்லாம் ருசி பார்க்க மக்கள் வருகிறார்களா என்பது சந்தேகமே. அப்படி, இந்த ஆண்டில், இது வரை, வைரலான சில வினோதமான ஃபூட் காம்பினேஷன்கள் சிலவற்றை இங்கே பார்க்கலாம்.
card 2
மாம்பழ தோசை:
தோசையையும், மாம்பழத்தையும் விரும்பாதவர்களும் உண்டோ? அதன் சுவைக்கு அடிமையாகாதவர் உலகிலே இல்லை எனலாம். ஆனால், அது தனி தனியாக இருந்தால் மட்டுமே. இரண்டு உணவும் ஒன்று சேர்ந்தால்? நினைக்கவே ஒரு மாதிரியாக இல்லை? ஆம், அகமதாபாத்தை சேர்ந்த உணவகம் ஒன்றில் இந்த மாம்பழ தோசையை பயிற்சி செய்துள்ளனர். அதுவும் வைரலாகி வருகிறது. மொறு மொறு தோசை மேல, ஆம்ரஸ் எனப்படும் மாம்பழ கூழை தடவி, பரிமாறுகின்றனர். இது போதாதென்று, அதன் தலையில் சீஸ் துருவி, வறுத்த முந்திரி, திராட்சை போன்ற ட்ரை ஃப்ரூட்ஸ் தூவி பரிமாறப்படுகிறது.
card 3
ஓரியோ பக்கோடா:
சில்லென்ற சாரல் மழை, தூவானம் தூறும் நேரம், குளிர் காலம் போன்ற நேரங்களில் சுடச்சுட பக்கோடா சாப்பிட்டால் எப்படி இருக்கும்? தேவாமிர்தமாக தோன்றுமில்லையா? ஆனால், அந்த பக்கோடாவில் முந்திரியோ, வெங்காயமோ கலந்து தானே பார்த்திருப்பீர்கள். குழந்தைகளுக்கு பிடித்த ஓரியோ பிஸ்கட்டில் பக்கோடா செய்தால்? காரமான மொறுமொறுப்பான பக்கோடாவை, இனிப்பாக, சாக்லேட் கிரீம் ஃபிளேவரில் இருந்தால்?
card 4
கோல்ட் ட்ரிங்க்ஸ் மேகி
வியூஸ் கிடைக்க வேண்டும் என்ற வெறிகொண்ட இருவர், கடந்த ஜூன் மாதம் கண்டுபிடித்த அற்புத ட்ரிங்க் தான் இந்த 'கோல்ட் ட்ரிங்க்ஸ் மேகி'. இருவரும் முதலில் கொதிக்கும் நீரில் ஒரு பெரிய வெண்ணெய் கட்டியை சேர்த்தனர். அதைத் தொடர்ந்து தம்ஸ் அப், ஃபேன்டா, ஸ்டிங் எனர்ஜி டிரிங்க், ஜீரா சோடா என கையில் கிடைத்த அனைத்து பிரபலமான கூல் ட்ரிங்க்ஸ்-ஐயும் அதில் ஊற்றினர். இதனுடன், அவர்கள் மேகியைச் சேர்த்து அதை சமைத்தனர். இதோடு நிற்கவில்லை. இறுதியாக அதை தலையில் சீஸ் லேயர் வேறு. மனதைரியம் கொண்டவர்கள் இதை சாப்பிட முயற்சிக்கலாம்!
card 5
பாவ் பாஜி ஐஸ்கிரீம்
இந்த லிஸ்டில் இறுதியை இருப்பது டாப் ட்ரெண்டிங் பாவ் பாஜி ஐஸ்கிரீம் ஆகும். சூடான வெண்ணையில் பொறித்த பாவ் பஜ்ஜியை, குளுமையான ஐஸ்கிரீம் போல சாப்பிடலாம் என்ற வினோத சிந்தனை ஒருவருக்கு உதிக்கவே, அப்போது பிறந்தது தான் இந்த புதிய உணவு. இந்த ஆண்டு ஏப்ரல் மாதம் வைரலான ஒரு இன்ஸ்டா பதிவில், ஒரு ஐஸ்கிரீம் விற்பனையாளர், ஐஸ்கிரீம் கவுண்டரில் சில பாவ்களை அடுக்கி வைக்கிறார். பின்னர் அவற்றை பாஜியுடன் எனப்படும் உருளைப்பட்டாணி மசாலாவை அதன் மேலே தடவுகிறார். அதன் பின்னர், அதனுடன், வெங்காயம், பச்சை சட்னி மற்றும் பால் ஆகியவற்றை கலந்து, ஐஸ்கிரீம் ரோல் செய்வது போல தயார் செய்து தருகிறார்!