ஒல்லியா இருந்தா ஆரோக்கியம்னு நினைக்காதீங்க! உள்ளே ஒளிந்திருக்கும் ஆபத்து; மெலிந்தவர்களையும் தாக்கும் 'மெட்டபாலிக்' நோய்கள்
செய்தி முன்னோட்டம்
பல ஆண்டுகளாக, மெலிந்த உடலமைப்பு என்பது நல்ல ஆரோக்கியத்தின் அடையாளமாகக் கருதப்படுகிறது. ஆனால், இது ஒரு தவறான புரிதல் என்று நிபுணர்கள் எச்சரிக்கின்றனர். ஒருவர் வெளியில் பார்க்க ஸ்லிம்மாக இருந்தாலும், அவரது உடலின் உட்புற உறுப்புகளைச் சுற்றி கொழுப்பு படிந்திருக்க வாய்ப்புள்ளது. இதனை மறைமுக உடல் பருமன் என்று நிபுணர்கள் அழைக்கின்றனர். கூடுதல் விவரங்கள் இங்கே:-
பிஎம்ஐ
பிஎம்ஐ ஏன் போதுமானதல்ல?
உடல் எடை அல்லது பிஎம்ஐ கணக்கீடு என்பது ஒருவரது ஆரோக்கியத்தைத் தீர்மானிக்க போதுமான காரணி அல்ல. பிஎம்ஐ கணக்கீடானது உடலில் தசை எவ்வளவு உள்ளது, கொழுப்பு எங்கே படிந்துள்ளது அல்லது சர்க்கரை மற்றும் கொழுப்பை உடல் எவ்வளவு திறமையாக செயலாக்குகிறது என்பதைக் காட்டாது. ஒருவர் ஒல்லியாக இருந்தாலும், அவரது கல்லீரல் அல்லது இதயம் போன்ற முக்கிய உறுப்புகளை சுற்றி ஆபத்தான கொழுப்பு படிந்திருக்கலாம். இது வளர்சிதை மாற்றத்தை சீர்குலைக்கும் என்று நிபுணர்கள் கூறுகின்றனர்.
மாற்றங்கள்
உடலுக்குள் நடக்கும் மாற்றங்கள்
மறைமுக உடல் பருமன் ஏற்படும்போது, இரத்தத்தில் சர்க்கரையின் அளவு சீரற்றதாக மாறலாம். வீக்கம் அதிகரிக்கலாம். இது போன்ற மாற்றங்கள் வெளியே தெரியாமல் மெதுவாக நடக்கும். இதனால் நீரிழிவு நோய், இதய நோய்கள், கொழுப்பு கல்லீரல் நோய் மற்றும் தீராத சோர்வு போன்ற பாதிப்புகள் ஏற்பட வாய்ப்புள்ளது. "அறிகுறிகள் வெளியே தெரியும்போது, உட்புற பாதிப்பு ஏற்கனவே ஏற்பட்டிருக்கலாம்" என்று நிபுணர்கள் தெரிவிக்கின்றனர்.
ஆரோக்கியம்
ஆரோக்கியத்தை மேம்படுத்தும் வழிகள்
ஆரோக்கியமான வாழ்விற்கு வெறும் மெலிந்த உடல் மட்டும் போதாது, முறையான வாழ்க்கை முறை அவசியம். பதப்படுத்தப்பட்ட உணவுகள், இனிப்பு பானங்களைத் தவிர்த்து, புரதம், நார்ச்சத்து, பழங்கள் மற்றும் காய்கறிகள் நிறைந்த சரிவிகித உணவை உட்கொள்ள வேண்டும். தசை என்பது வெறும் அழகுக்காக அல்ல, அது இரத்த சர்க்கரையைச் சீராக்க உதவுகிறது. எனவே, நடைப்பயிற்சி மற்றும் தசை வலிமைக்கான பயிற்சிகளைத் தவறாமல் செய்ய வேண்டும். போதுமான தூக்கம் மற்றும் மன அழுத்த மேலாண்மை ஆகியவை ஹார்மோன் சமநிலையைப் பராமரிக்க உதவும்.