20 ஆயிரம் அமெரிக்க டாலர் வரை விற்கப்படும் செல்ல பிராணிகள்; விபரம் உள்ளே
செய்தி முன்னோட்டம்
பொதுவாக நாய்க்குட்டிகள், பூனை குட்டிகள் என சில ஆயிரம் ரூபாயில், மலிவாக தான் செல்ல பிராணிகள் வாங்குவது வழக்கம். ஆனால் 20 ஆயிரம் அமெரிக்கா டாலர் விலையிலும் செல்ல பிராணிகள் விற்கப்படுகின்றன என்றால் நம்ப முடிகிறதா? விவரம் உள்ளே:
வெள்ளை சிங்கக் குட்டிகள்: மிகவும் அரிதான, வெள்ளை சிங்கக் குட்டிகள் உலகின் மிக விலையுயர்ந்த செல்லப்பிராணிகளில் ஒன்றாகும். இவற்றின் விலை $14,000க்கும் அதிகமாகும். பாலைவன பகுதிகளிலும், ஸாவன்னா காடுகளிலும் காணப்படும் இந்த அறியவகை சிங்கத்தின் பராமரிப்பு செலவும் அதிகம்.
சவன்னா பூனைகள்: சேர்வல் எனப்படும் காட்டு பூனைக்கும், வீட்டு பூனைக்கும் பிறந்த கலப்பினமாகும், இவ்வகை பூனைகள். காட்டு பூனையை போன்ற கழுத்தும், உடலெங்கும் புள்ளிகளும் நிறைந்திருக்கும். இந்த பூனைகளின் விலை $20,000க்கு மேல்.
செல்ல பிராணிகள்
10 ஆயிரம் அமெரிக்க டாலருக்கு கிளி!
திபெத்திய மஸ்தீப்: இந்த மலை ஜாதி நாய், பெரிய உருவத்தை உடையது. நாய் வகைகளிலேயே அதிக விலையில் விற்கப்படும் நாயும் இதுவே. கிட்டத்தட்ட $1 மில்லியனுக்கும் அதிகமாக விற்கப்படுகிறது.
மக்காவ்: வண்ணமயமான கிளி வகையை சேர்ந்த மக்காவ், பெரிய உருவம் கொண்டது. $10,000 க்கும் அதிகமாக விற்கப்படும் இவ்வகை கிளிகளின் பராமரிப்பு மிகவும் கடினமாகும். அதன் உருவத்திற்கு ஏற்றார் போல, பெரிய கூண்டு, ஊட்டசத்து மிக்க உணவு, மற்றும் அதன் நுண்ணறிவுக்கு தேவை படும் பயிற்சி என இதன் பராமரிப்பு செலவும் அதிகம்.
லோவ்சென்: லோச்சென் அல்லது லிட்டில் லயன் டாக், சிறிய நாய் இனமாகும். இதன் விலை சுமார் $8,000 ஆகும். இந்த நாய்கள், சிறிய சிங்கங்களை போன்ற தோற்றம் உடையது.