நிபுணர்கள் பரிந்துரைக்கும் ஈக்கோ ஃபிரெண்ட்லி பர்னிச்சர் உபயோகிப்பதனால் ஏற்படும் நன்மைகள்!
செய்தி முன்னோட்டம்
ஈக்கோ பிரென்ட்லி தளபாடங்கள் (பர்னிச்சர்கள்), சுற்றுச்சூழலில் குறைந்தபட்ச எதிர்மறை தாக்கத்தை ஏற்படுத்தும் பொருட்களை மட்டுமே பயன்படுத்துகின்றன. இதே போல, ஈக்கோ பிரென்ட்லி (சுற்றுச்சூழல் நட்பு) பர்னிச்சர்கள் உபயோகியோகிப்பதனால் ஏற்படும் வேறு சில நன்மைகளையும் நிபுணர்கள் பட்டியலிடுகின்றனர்:
காடுகள் அழிப்பை தடுக்கிறது: விலை உயர்ந்த மர பர்னிச்சர்கள் அதிகம் வாங்கும் போது, காடுகள் அழிக்கப்படும் அபாயம் உள்ளது. "சுற்றுச்சூழலுக்கு உகந்த பர்னிச்சர்கள், இயற்கை வளங்களின் மீதான தாக்கத்தை குறைக்கும் விதத்தில் மூலப்பொருட்களைப் பயன்படுத்துகிறது" என்கிறார், இந்தோ இன்னோவேஷன்ஸ் எம்.டி., ஆஷிஷ் அகர்வால்.
உங்கள் உடலுக்கு நல்லது: மரபர்னிச்சர்கள் தயாரிப்பில் ஈடுபடுத்தப்படும் இரசாயனங்கள் ஒரு சிலருக்கு எரிச்சல், சுவாசப் பிரச்சனைகள் மற்றும் ஹார்மோன் மாற்றங்களுக்கு வழிவகுக்கும்.
சுற்றுசூழல் பாதுகாப்பு
உடலுக்கு தீங்கு விளைவிக்காத 'ஈக்கோ ஃபிரெண்ட்லி' பர்னிச்சர்
"அதிகமான மக்கள், கையால் செய்யப்பட்ட, சுற்றுச்சூழலுக்கு உகந்த பர்னிச்சரை வாங்கத் தொடங்குவதால், இரசாயனங்கள் மற்றும் மாசு குறையும். மறுபுறம், இது மக்களின் ஆரோக்கியத்திற்கு உதவுவதோடு, அவர்களின் வாழ்க்கையை எளிதாக்கும்" என சரப் பர்னிச்சர் நிறுவனர் ரகுநந்தன் சரப் கூறுகிறார்.
மலிவான விலை: சுற்றுச்சூழலுக்கு உகந்த ஃபர்னிச்சர், மற்ற ஃபர்னிச்சர் வகைகளை விட மிகவும் மலிவு. அதற்கு காரணம், அவை மறுசுழற்சி செய்யப்பட்ட பொருட்களால் செய்யப்பட்டவை, அதனால், உற்பத்தியாளர்களுக்கு கொள்முதல் விலை குறைகிறது.
சுற்றுச்சூழலில் குறைந்தபட்ச தாக்கம்: இத்தகைய மறுசுழற்சி செய்யப்பட்ட தளபாடங்கள் (பர்னிச்சர்), பொதுவாக, மறுசுழற்சி செய்யப்பட்ட மரம், இயற்கை துணிகள் அல்லது காயலான் கடை சாமான்கள் கொண்டு தயாரிக்கப்படுவதால், இயற்கை மீது குறைந்த அளவே எதிர்மறை தாக்கத்தை உண்டாக்குகிறது.