மீண்டும் மே மாதம் உச்சம் தொடும் கொரோனா: ஆய்வில் தகவல்
செய்தி முன்னோட்டம்
நாடு முழுவதும் கொரோனா அலை மீண்டும் வீச துவங்கி, தற்போது மெதுமெதுவாக குறைய துவங்கி விட்டது. எனினும், இது ஒரு சிறிய இடைவேளை மட்டுமே என வல்லுநர்கள் கூறுகிறார்கள். லூதியானாவில் உள்ள கிறிஸ்டியன் மருத்துவக் கல்லூரியில் நடத்தப்பட்ட ஆய்வில் சென்ற ஆண்டு துவங்கிய கொரோனா அலை இந்த ஆண்டு ஏப்ரல் மாதம் உச்சம் அடைந்த நிலையில், தற்போது குறைய துவங்கி உள்ளது. அது மே மாதத்தின் பாதியிலோ, இறுதியிலோ மீண்டும் உச்சம் பெறலாம் எனவும் அந்த ஆய்வறிக்கை தெரிவிக்கிறது. அதை இரண்டாவது உச்சம் எனவும் குறிப்பிடுகிறார்கள். அப்படி ஒரு வேளை இரண்டாவது உச்சம் வந்தாலும், அது ஜூன் மாதம் வரை நீடிக்கும் எனவும் தெரிவிக்கிறார்கள்.
card 2
கோவிட் வழிகாட்டுதல்களை பின்பற்ற வேண்டும்
மத்திய சுகாதாரம் மற்றும் குடும்ப நல அமைச்சகம், தினசரி கோவிட் வழக்குகளின் எண்ணிக்கையை வெளியிடும். அதன்படி, கொரோனா பாதிப்புகள் குறைந்து வருவது, ஆய்வறிக்கைக்கு மேலும் வலு சேர்கிறது. இரண்டாவது அலை உச்சம் பெறுவதை தவிர்க்க, பொதுமக்கள் கோவிட் விதிமுறைகளை கட்டாயம் பின்பற்ற வேண்டுமென அந்த அறிக்கை மேலும் தெரிவிக்கிறது. 1 வயதுக்குட்பட்ட குழந்தைகளைக் கொண்ட பெற்றோர்கள் கவனமாக இருக்க வேண்டும், 1 வயதுக்குட்பட்ட குழந்தைகளைக் கொண்ட பெற்றோர்கள் கவனமாக இருக்க வேண்டும். அதோடு, இதயம் கோளாறு, நீரழிவு நோய் அல்லது வேறு ஏதேனும் நோய் உள்ள வயதான குடும்ப உறுப்பினர்களை உடையவர்களும், உரிய பாதுகாப்பு நடவடிக்கைகளை எடுக்க வேண்டும்.