நாள்பட்ட சோர்வு நோய்க்குறியின் அறிகுறிகளும், அதன் காரணங்களும்
செய்தி முன்னோட்டம்
மயால்ஜிக் என்செபலோமைலிடிஸ் என்றும் அழைக்கப்படும், நாள்பட்ட சோர்வு நோய்க்குறி என்பது ஒருவகையான சிக்கலான கோளாறு ஆகும். இது அதீத சோர்வு, நினைவாற்றல் பிரச்சினைகள், தசை அல்லது மூட்டு வலி மற்றும் தூக்க சிக்கல்களை ஏற்படுத்தும்.
நாள்பட்ட சோர்வு நோய்க்குறி என்பது நீண்ட நாட்களாக நிலவி வரும் சோர்வு நிலை ஆகும்.
சில நேரங்களில், சோர்வுடன், தலைச்சுற்றலும் ஏற்படலாம். இந்த நிலை நீடித்தால், உங்கள் உடலில் உள்ள பல உறுப்புகளை நாளடைவில் பாதிக்கலாம்.
பொதுவாக பெண்களுக்கு ஏற்படும் இந்த நோய்க்குறி குறைந்தது ஆறு மாதங்களுக்கு நீடிக்கும்.
இந்த நோய் பொதுவாக நடுத்தர வயதினரை பாதிக்கிறது. இந்த குறிப்பிட்ட பிரச்சனைக்கு, அங்கீகரிக்கப்பட்ட சிகிச்சை முறைகள் எதுவும் தற்போதுவரை இல்லை.
நாள்பட்ட சோர்வு
இந்த நோய்க்குறியின் பின்னணியில் உள்ள காரணங்கள்
மரபியல், மன அழுத்தம், பலவீனமான நோயெதிர்ப்பு அமைப்பு மற்றும் ஹார்மோன் கோளாறுகள் உள்ளிட்ட பல காரணிகளால், நாள்பட்ட சோர்வு நோய்க்குறி ஏற்படலாம்.
குறிப்பாக, பாக்டீரியா மற்றும் வைரஸ் தொற்றுக்கு ஆளான பிறகு, பெரும்பாலும் இந்த நோயின் அறிகுறிகள் தென்படுகிறது என ஆராய்ச்சிகள் தெரிவிக்கின்றன.
இந்த நோயின் அறிகுறிகள், அவற்றின் தீவிரம், நபருக்கு நபர் மாறுபடும்.
சோர்வு, மன அழுத்தம் மற்றும் தூக்க பிரச்சனைகளை ஏற்படுத்துவதைத் தவிர, இந்த நோயினால், உடல் பயிற்சிக்குப் பிறகு அதீத சோர்வு, தலைசுற்றல், சிந்தனை-நினைவாற்றல் திறன் பாதிப்பு ஆகியவையும் ஏற்படலாம். அதனுடன், தசை அல்லது மூட்டு வலி, தலைவலி மற்றும் தொண்டை புண் போன்றவையும் ஏற்படலாம்.
நோயின் தீவிரத்தை குறைக்க, சில வாழ்க்கை முறை மாற்றங்களை நீங்கள் பின்பற்றலாம்.