100% பயனளிக்கும் பழங்கால வீட்டு வைத்திய குறிப்புகள்
செய்தி முன்னோட்டம்
பழங்காலத்திலிருந்து உடல் உபாதைகளுக்கு வீட்டு வைத்தியம் தான் பயன்படுத்தப்பட்டது.
சிறிய காயங்கள் தொடங்கி, சளி மற்றும் கொப்புளங்களுக்கு என சிகிச்சையளிப்பதற்கு, மக்கள் வீட்டு வைத்தியத்தை நம்பியிருக்கிறார்கள்.
சில நேரங்களில் மருத்துவர்கள் கூட அவற்றை பரிந்துரைக்கின்றனர்.
அது 100% பயனளிக்கும் என்பதையும் தாண்டி, இந்த வைத்தியங்களுக்கு சைட்-எஃபெக்ட் இருக்காது.
காயத்திற்கு மஞ்சள் பத்து, தொண்டை வலிக்கு துளசி கஷாயம் என பல வீட்டு வைத்தியங்களை நீங்கள் கையாண்டிருக்க கூடும்.
அந்த வகையில், உங்களுக்கு பயன் தரும் மேலும் சில வீட்டு வைத்திய குறிப்புகள் இதோ:
கொப்புளங்களுக்கு பெட்ரோலியம் ஜெல்லி: பெரும்பாலான வீடுகளில், பெட்ரோலியம் ஜெல்லி பாட்டிலை நீங்கள் காணலாம். இது உதடுகள் மற்றும் பாதங்களில் ஏற்படும் வெடிப்புகளுக்கு உதவுகிறது. ஆனால் இது கொப்புளங்களுக்கும் உதவும்.
வீட்டு வைத்திய குறிப்புகள்
தீக்காயங்கள் முதல் அஜீரணம் வரை
தீக்காயங்களுக்கு கற்றாழை: இரண்டாம் நிலை தீக்காயங்களுக்கான மாற்று சிகிச்சையை விட கற்றாழை நன்றாக குணம் தரும். இருப்பினும், கடுமையான தீக்காயங்களுக்கு, மருத்துவ உதவியை நாட வேண்டியது அவசியம்.
வயிற்றுப்போக்குக்கு வாழைக்காய்:வாழைக்காய் வயிற்றுப்போக்கை கட்டுப்படுத்த இயற்கையான மற்றும் பயனுள்ள வழியை வழங்குகின்றன. வாழைக்காய்கள் செரிமான ஆரோக்கியத்திற்கு பங்களிக்கின்றன.
அஜீரணத்திற்கு சோம்பு: சொம்பில் கார்மினேடிவ் பண்புகள் உள்ளன. இது செரிமான அமைப்பிலிருந்து வாயுவை வெளியேற்ற உதவுகிறது. உணவுக்குப் பிறகு ஒரு சிட்டிகை சோம்பை மென்று சாப்பிடுவது இரவு உணவிற்குப் பிந்தைய ஏப்பம் வராமல் தடுக்க உதவும்.
சைனசிடிஸுக்கு யூகலிப்டஸ் எண்ணெய்: சைனஸைப் போக்க, ஆவி பிடிக்கும்போது, சில துளிகள் யூகலிப்டஸ் எண்ணெய் சேர்த்து சுவாசித்தல், மூக்கடைப்பு நீங்கும்.
வீட்டு வைத்திய குறிப்புகள்
பூச்சி கடி முதல் தூக்கமின்மை வரை
பூச்சிகடிக்கு ஓட்ஸ்: பூச்சி கடியினால் ஏற்படும் அரிப்பு மற்றும் வீக்கத்தில் இருந்து நிவாரணம் பெற ஓட்ஸ் பயன்படுத்தலாம். ஓட்மீல் உடன் தண்ணீர் சேர்த்து, பேஸ்ட் போல, கடித்த இடத்தில் தடவி 10 நிமிடங்களுக்கு பிறகு கழுவவும்.
இந்தமுறை அசௌகரியம் மற்றும் வீக்கத்தைக் குறைப்பதில் பயனுள்ளதாக இருக்கும்.
கண் சோர்வுக்கு வெள்ளரிக்காய்: வெள்ளரிகளில் ஆன்டிஆக்ஸிடன்ட்கள் நிரம்பியுள்ளன. வீக்கத்தை மற்றும் கண் வலியைக் குறைக்கும் என்று நிரூபிக்கப்பட்டுள்ளது.
உடல் துர்நாற்றத்திற்கு லாவெண்டர் எண்ணெய்: லாவெண்டர் எண்ணெய் ஒரு இனிமையான நறுமணத்தை வெளியிடுவது மட்டுமல்லாமல், இந்த எண்ணையில் பாக்டீரியா எதிர்ப்பு பண்புகளும் நிரம்பியுள்ளது.
தூக்கமின்மைக்கு அஸ்வகந்தா: அஸ்வகந்தா என்பது இந்தியாவின் பழமையான மருத்துவ மூலிகையாகும். இது மன அழுத்தம், சோர்வு மற்றும் பதட்டம் ஆகியவற்றிலிருந்து நிவாரணம் அளிக்கிறது.