மேக்அப் பிரியர்களே, நீங்கள் செய்யக்கூடிய சில தவறுகள், உங்கள் சருமத்தை பாதிக்கலாம்!
செய்தி முன்னோட்டம்
ஒப்பனைகள் (Make-up), உங்கள் முகத்தின் அழகை உயர்த்தி காட்டும் என்பதில் சந்தேகமே இல்லை. அதே நேரத்தில், நீங்கள் ஒப்பனைக்கு உபயோகிக்கும் பொருட்களாலோ, அல்லது தவறான பயன்பாடாலோ, உங்கள் சருமம் பாதிக்கப்படலாம்.
அதனால் முகத்தில் சுருக்கங்களும், பருக்களும் ஏற்பட வாய்ப்புள்ளது என சரும நிபுணர்கள் கூறுகின்றனர்.
நீங்கள் செய்யக்கூடாத தவறுகள் என நிபுணர்கள் கூறுபவை:
முகத்தை தயார் செய்யாமல், மேக்அப் போட துவங்குவது: முகத்தை தயார் செய்யாமல், மேக் அப் அணிந்தால், அது திட்டுகளாகவும், சீரற்ற முறையிலும் தோற்றம் தரும். மேலும், மேக் அப் நீண்ட நேரம் இருக்க வேண்டும் என்றால், ஒப்பனை தொடங்குவதற்கு முன்னர், முகத்தை சுத்தம் செய்து, ஹைட்ரேட்டிங் சீரம் மற்றும் மாய்ஸ்சரைசரைத் தொடர்ந்து ப்ரைமரை பயன்படுத்தவும்.
மேக்அப்
வடுக்களையும், பருக்களையும் மறைக்க மேக்அப் உபயோகிக்க வேண்டாம்
ட்ரை ஸ்பான்ஜ் பயன்படுத்துதல் மற்றும் அதை சுத்தம் செய்யாமல் இருப்பது: எப்போதும், ட்ரை ஸ்பான்ஜ் அதிகப்படியாக உறிஞ்சும் தன்மை கொண்டது. எனவே மேக்அப் போட துவங்கும் முன், அதை, தண்ணீரில் ஈரமாக்கியபின்னர் உபயோகித்தால் சீரான மேக்அப் போடலாம். ஒவ்வொரு பயன்பாட்டிற்கு பிறகும், அதை சுத்தம் செய்வதும் அவசியம்.
லிப்ஸ்டிக்கை Blush-ஆக பயன்படுத்துதல்: உங்கள் Blush தீர்ந்துவிட்டால்,லிப்ஸ்டிக்கை உபயோகிக்கலாம் என சிலர் கூற கேட்டிருப்பீர்கள். ஆனால்உதட்டுசாயத்தில் உள்ள ரசாயனங்கள், உணர்திறன் வாய்ந்த சருமத்திற்கு பிரச்சனைகளை உண்டாக்கலாம்.
மேக்கப் மூலம் முகத்தின் பருக்களை மறைப்பது: வடுக்களையும், பருக்களையும், மேக்கப் மூலம் மறைக்க முயலாதீர்கள். மேக்கப்பிற்காக நீங்கள் பயன்படுத்தும் பொருட்கள், பாதிக்கப்பட்ட சருமத்தில் இருக்கும் துளைகளை மூடிவிட்டால், நாளடைவில் உங்களுக்கு பிரச்சனை மேலும் அதிகரிக்குமே தவிர, குறையாது.