சிலிண்டர் தட்டுப்பாட்டை சமாளிக்க 6 'நோ-குக்' உணவுகள்; ஆரோக்கியமும் சுவையும் கேரண்டி

எழுதியவர் Venkatalakshmi V

Mar 16, 2026

05:42 pm

செய்தி முன்னோட்டம்

மத்திய கிழக்கு போர் மற்றும் விநியோகச் சங்கிலி பாதிப்பால் தற்போது நிலவி வரும் எரிவாயு தட்டுப்பாடு, பல இல்லத்தரசிகளை சங்கடத்தில் ஆழ்த்தியுள்ளது. ஆனால், சமையல் எரிவாயு இல்லாமலேயே சத்தான மற்றும் வயிறை நிரப்பக்கூடிய பல 'No-cook' உணவுகளை நம்மால் எளிதில் தயாரிக்க முடியும். இதை செய்வது நேரத்தை மிச்சம் பிடிப்பது மட்டுமல்லாமல், ஆரோக்கியமானதும் கூட. இதை வீட்டிலிருக்கும் பொருட்களை கொண்டே எளிதில் தயாரிக்கலாம்.

ரெசிபிகள் #1

அடுப்பில்லா சமையல்: சில எளிய ரெசிபிகள் #1

1. காய்கறி சாண்ட்விச்: பிரெட் ஸ்லைஸ்களுக்கு நடுவில் தக்காளி, வெள்ளரிக்காய், வெங்காயம் மற்றும் லெட்டூஸ் இலைகளை அடுக்கி, சிறிதளவு வெண்ணெய் அல்லது புதினா சட்னி தடவினால் சுவையான சாண்ட்விச் தயார். இது காலை உணவிற்கும், மாலை நேர சிற்றுண்டிக்கும் ஏற்றது. 2. முளைகட்டிய பயறு சாலட்: புரதச்சத்து நிறைந்த முளைகட்டிய பாசிப்பயறுடன் நறுக்கிய வெங்காயம், தக்காளி, எலுமிச்சை சாறு மற்றும் சாட் மசாலா சேர்த்தால் சத்தான மதிய உணவு தயார். இதற்குச் சூடுபடுத்த வேண்டிய அவசியமே இல்லை. 3. தயிர் சாதம்: ஏற்கனவே சமைத்து மீதமான சாதம் இருந்தால், அதனுடன் தயிர், உப்பு மற்றும் நறுக்கிய கொத்தமல்லி சேர்த்து பிசைந்தால் குளிர்ச்சியான தயிர் சாதம் தயார். இது கோடை காலத்திற்கும் ஏற்றது.

ரெசிபிகள் #2

அடுப்பில்லா சமையல்: சில எளிய ரெசிபிகள் #2

4. பழக் கலவை: வாழைப்பழம், ஆப்பிள், பப்பாளி போன்ற பழங்களை நறுக்கி அதனுடன் சிறிதளவு மிளகுத்தூள் அல்லது தேன் சேர்த்துச் சாப்பிடலாம். இது உடனடி ஆற்றலை வழங்கும். 5. சுண்டல் சாட்: ஊறவைத்த அல்லது வேகவைத்த சுண்டலுடன் வெங்காயம், பச்சை மிளகாய், மல்லித்தழை மற்றும் எலுமிச்சை சாறு சேர்த்துப் பிசைந்தால் சுவையான சாட் தயார். பன்னீர் துண்டுகளை சேர்ப்பதன் மூலம் கூடுதல் புரதத்தைப் பெறலாம். 6. ஓவர்நைட் ஓட்ஸ்: ஓட்ஸை பால் அல்லது தயிரில் இரவு முழுவதும் ஊறவைத்தால், காலையில் அது மென்மையாக மாறிவிடும். அதனுடன் பழங்கள் மற்றும் நட்ஸ் சேர்த்து சாப்பிடலாம்.

டிப்ஸ்

எரிவாயு தட்டுப்பாட்டை சமாளிக்க சில டிப்ஸ்

ஊறவைத்தல்: தானியங்களை வேகவைப்பதற்கு பதில் அதிக நேரம் ஊறவைப்பது அவற்றின் சமைக்கும் நேரத்தைக் குறைக்கும். இண்டக்ஷன் அடுப்பு: அவசர தேவைகளுக்காக மின்சார இண்டக்ஷன் அடுப்புகளை பயன்படுத்தலாம். பழங்கள் மற்றும் பிரட்: சமைக்கத் தேவையில்லாத பழங்கள், தயிர் மற்றும் பிரட் போன்றவற்றை எப்போதும் கையிருப்பில் வைத்திருக்கவும்.