கோடை வெயிலை சமாளிக்க வீட்டிலேயே செய்யக்கூடிய சூப்பர் ட்ரிங்க்ஸ்
செய்தி முன்னோட்டம்
சித்திரை பிறந்து விட்டது. அப்படியென்றால், கொளுத்தும் வெயில் காலம் துவங்கி விட்டது என்று அர்த்தம். இந்த வெயில் காலத்தில், உங்கள் ஆரோக்கியத்தை காப்பது அவசியம். கோடை காலத்தில், நோய் தொற்றுகளும் அதிகம். அதை சமாளிக்க, வெயில் காலத்தில் சத்தான உணவை சாப்பிடுவதன் மூலமும், உங்கள் உடலை நீரேற்றமாக வைத்திருப்பதன் மூலமும், பொது சுகாதாரத்தையும் கடைபிடிக்க வேண்டும். உடலை நீரேற்றமாக வைத்திருக்க, தண்ணீர், சூப்ஸ் மற்றும் ஃபுரூட் ஜூஸ் போன்றவற்றை அவ்வப்போது பருகவேண்டும். அப்படி வீட்டிலேயே நீங்கள் தயாரிக்க கூடிய ஈஸியான ஜூஸ் ரெசிபிக்கள் இதோ: நீர்மோர்: உப்பு, கறிவேப்பிலை, இஞ்சி போன்றவை சேர்த்து தயாரிக்கப்படும் நீர்மோரானது, அதிக வியர்வையினால் வெளியேறும் உப்பு சத்தை ஈடுசெய்ய உதவுகிறது. கறிவேப்பிலை உடலுக்கு குளிர்ச்சி தரும்.
card 2
வீட்டிலேயே செய்யக்கூடிய ஈஸி ஜூஸ் வகைகள்
பானகம்: பனைவெல்லம், சுக்கு, ஏலக்காய், புதினா இலை அல்லது வெப்ப இலை சேர்த்து தயாரிக்கப்படும் இந்த சூப்பர் ஜூஸ், இரும்பு சத்து நிறைந்தது. அதோடு, வெப்ப இலை சிறந்த கிருமி நாசினியாகும். லெமன்-புதினா ட்ரின்க்: எலுமிச்சை ஜூஸ்சில், ஒரு சிட்டிகை அளவு உப்பு சேர்த்து, சர்க்கரைக்கு பதிலாக நாட்டுச்சர்க்கரை சேர்த்து தயாரிக்கலாம். அதோடு, சிறிது புதினா தழையையும் போட்டு ஃபிரிட்ஜில் வைத்துவிடுங்கள். கூல் ஆனதும் சூப்பரான லெமன்-மின்ட் கூலர் தயார். தர்பூசணி ஜூஸ்: தர்பூசணி பழம் கோடை காலத்தின் வரப்பிரசாதம். அதை பழமாகவும் சாப்பிடலாம், அல்லது ஐஸ் சேர்த்து ஜூஸ்சாக அரைக்கலாம். வெள்ளரி ஜூஸ்: உடலுக்கு தேவையான நீர்ச்சத்தை பெற, வெள்ளரிக்காய் ஜூஸ் குடிக்கலாம். இது வயிற்று புண்ணையும் சரி செய்கிறது.