இதய ஆரோக்கியம் முதல் கர்ப்பிணிகள் வரை: ஜவ்வரிசியில் உள்ள நன்மைகள்
ஊட்டச்சத்து நிறைந்த ஜவ்வரிசி என்ற உணவு பொருள், சாகோ, சாபுதானா என்று பரவலாக அழைக்கப்படுகிறது. மரவள்ளிக்கிழங்கின் வேர்களில் இருந்து தயாரிக்கப்படும் இந்த ஜவ்வரிசி, ஸ்டார்ச் மற்றும் கார்போஹைட்ரேட் சத்துகள் நிறைந்தது. ஜவ்வரிசியில் இருக்கும் நன்மைகள் பற்றி காணலாம். இதய ஆரோக்கிய மேம்பாடு: ஜவ்வரிசியில் உள்ள உயர் அமிலோஸ், கொலஸ்ட்ரால் மற்றும் ட்ரைகிளிசரைடு அளவைக் குறைக்கும் என்று மருத்துவ ஆய்வில் கண்டுபிடிக்கப்பட்டுள்ளது. இதனால் இதயத்தை பாதிக்கும் கொலஸ்ட்ரால் அளவு கட்டுப்படுத்தப்படுகிறது. உடல் எடை அதிகரிக்க: ஆரோக்கியமான முறையில் எடை கூட விரும்பினால், நீங்கள் தாராளமாக ஜவ்வரிசியை, அன்றாட உணவில் சேர்த்துக்கொள்ளலாம். ஜவ்வரிசியில் மாவுச்சத்து அதிகம் இருப்பதால், பிஞ்சுக்குழந்தைகளும், வளர் இளம் பிள்ளைகளும், உடல் எடை அதிகரிக்க தாராளமாக உண்ணலாம்.
ஜவ்வரிசியின் நன்மைகள்
எலும்பு அடர்த்தியை பலப்படுத்த: இயற்கையாகவே கால்ஷியம் நிறைந்துள்ள ஜவ்வரிசி, இளம் வயதினருக்கும், வயதானவர்களுக்கும், எலும்பு அடர்த்தியை பலப்படுத்த உதவுகிறது. இதில் உள்ள, மாவுச்சத்து, ஆஸ்டியோபோரோசிஸ் என்ற எலும்பு தேய்மான நோய்க்கு மருந்தாகிறது. மேலும், இதிலுள்ள மெக்னீசியம் மற்றும் இரும்புச்சத்து, எலும்புகளை வலிமையாக்கவும் உதவுகின்றன. இரைப்பை குடல் பிரச்சனைகள் உள்ளவர்கள், இதை தவிர்க்க வேண்டுமென மருத்துவர்கள் அறிவுறுத்துகின்றனர். கர்ப்பிணிப் பெண்களுக்கான ஆரோக்கியம்: வைட்டமின் பி6 மற்றும் ஃபோலேட் ஆகியவை ஜவ்வரிசியில் நிரம்பி உள்ளன. இவை இரண்டும், கருவின் ஆரோக்கியமான வளர்ச்சிக்கும், கர்ப்பிணி பெண்களுக்கு தேவையான அத்தியாவசிய ஊட்டச்சத்துக்களும் தரும். கூடுதலாக, இதில் உள்ள இரும்பு மற்றும் கால்சியம், பாலூட்டும் பெண்களுக்கு, தாய்பால் உற்பத்தியைத் தூண்டுகிறது.
