சோயா பால் குடிப்பதால் கிடைக்கும் நன்மைகள்
செய்தி முன்னோட்டம்
பல மருத்துவ குணங்களை கொண்ட சோயா பாலை பருகுவதன் மூலம் ஆரோக்கியம் மேம்படும், என மருத்துவ நிபுணர்கள் கூறுகின்றனர். சால் பால் குடிப்பதால் என்னென்ன நன்மைகள் கிடைக்கும் என்பது பற்றி இங்கே பார்க்கலாம்:
உடல் எடை குறைக்கலாம்: நார்ச்சத்தும், புரதச்சத்தும் நிறைந்த சோயா பால், அடிக்கடி பசி ஏற்படும் உணர்வைத் தடுக்கிறது. இது உடல் எடை குறைப்பிற்கு ஏதுவாக அமைகிறது.
சரும பாதுகாப்பு: சோயா பாலில் உள்ள வைட்டமின் E , சரும பாதுகாப்பிற்கு ஏற்றது.
இதை பருகுவதன் மூலம், சருமத்தில் இறந்த செல்கள் நீங்கி, புது செல்கள் வளரும். சருமத்தில் உள்ள நீர்ச்சத்து குறையாமல் பாதுகாக்கும்.
முகத்தில் உள்ள கரும்புள்ளிகளை நீக்கவும் உதவுகிறது. சருமம் மிருதுவாகவும், பளபளப்புடன் காட்சியளிக்க உதவுகிறது.
சோயா பால்
ஊட்டச்சத்து நிறைந்த சோயா பால்
தொடர்ந்து இந்த சோயா பாலைப் பருகுவதன் மூலம், உங்கள் சருமம் பொலிவாக மாறும் என கூறப்படுகிறது.
கூந்தல் பராமரிப்பு: சோயா பாலில் உள்ள புரதம், கால்சியம் மற்றும் பிற சத்துகள், உங்கள் கூந்தலை பலப்படுத்த உதவுகிறது. முடி உதிர்வைக் குறைத்து, கூந்தல் அடர்த்தியாக வளர உதவுகிறது.
ஆரோக்கியமான எலும்பு: புரதமும், கால்சியமும் நிறைந்துள்ள இந்த சோயா பாலை பருகுவதன் மூலம், எலும்பு சம்மந்தப்பட்ட குறைபாடுகள் நீங்கி, எலும்பு தேய்மானத்தையும் தடுக்கிறதாக ஆராய்ச்சிகள் கூறுகின்றன.
மனநலம்: தினசரி சோயா பாலைக் குடித்து வந்தால், இதிலுள்ள பி காம்ப்ளெக்ஸும், பி புரதசத்தும், மன அழுத்தத்திலிருந்து காக்க உதவுகிறது. உங்கள் மனநிலையை மேம்படுத்துகிறது. மேலும் இதிலுள்ள ஐசோஃபிளவோன், உங்கள் மனநிலையை சமநிலையில் வைக்க உதவுகிறது.