கட்டாயம் ஃப்ரிட்ஜில் வைக்கக் கூடாத 5 உணவு பொருட்கள்
செய்தி முன்னோட்டம்
உணவு பொருட்களை நீண்ட காலத்திற்கு பிரஷ்ஷாக வைத்திருப்பதற்கும், அது கெட்டு விடாமல் இருப்பதற்காகவும் நாம் அவற்றை ஃப்ரிட்ஜில் வைப்போம். ஆனால் சில உணவுப் பொருட்கள் ஃப்ரிட்ஜில் வைப்பதை விட, ஃப்ரிட்ஜில் வைக்காமல் இருந்தால் தான் அதிக நன்மைகளை வழங்கும். இந்த தொகுப்பில் அவ்வாறான 5 உணவுப் பொருட்களை பார்க்கலாம். தக்காளி- நாம் அனைவரும் தக்காளிகளை ஃப்ரிட்ஜில் வைக்கும் தவறை செய்திருப்போம். ஆனால் தக்காளிகளை ஃப்ரிட்ஜில் வைத்தால், அவற்றில் உள்ள என்சைம் குறைவான வெப்பநிலையால் செயலாற்ற தொடங்கும். இதன் மூலம் தக்காளி சீக்கிரம் அழுகிவிடும், மேலும் ஃப்ரிட்ஜில் வைத்த தக்காளிகளில் அதன் நிறம், சுவை, மணம் உள்ளிட்டவையும் குறைகிறது.
2nd card
கட்டாயம் ஃப்ரிட்ஜில் வைக்கக் கூடாத 5 உணவு பொருட்கள்-2
அவகேடோ(வெண்ணெய் பழங்கள்)- அவகேடோ பழங்களை, ஃப்ரிட்ஜில் வைப்பதன் மூலம், அது இயற்கையாக பழுப்பது தடைபடுகிறது. இது அவற்றை நுகர்வுக்கு தகுதியற்றதாக ஆக்குகிறது. மேலும் ஃப்ரிட்ஜில் உள்ள குளிர்ந்த சீதோசன நிலை, அவகேடோ பழங்களின் அமைப்பை பாதித்து விரைவில் அழுக செய்கிறது. இதனால் அவகேடோ பழங்களை ஃப்ரிட்ஜில் வைக்காமல் தவிர்ப்பது நல்லது. ரொட்டி(பிரட்)- நீங்கள் பிரட்டை ஃப்ரிட்ஜில் வைப்பவராக இருந்தால் முதலில் அந்த பழக்கத்தை கைவிட வேண்டும். ஃப்ரிட்ஜில் உள்ள குறைந்த வெப்பநிலை ரொட்டியில் உள்ள மாவுச்சத்தை மீண்டும் படிகமாக்குகிறது. இது ரொட்டியை இறுகச் செய்து உண்பதற்கு கடினமானதாக ஆக்குகிறது.
3rd card
கட்டாயம் ஃப்ரிட்ஜில் வைக்கக் கூடாத 5 உணவு பொருட்கள்-3
உருளைக்கிழங்குகள்- பலரும் உருளைக்கிழங்குகளை ஃப்ரிட்ஜில் வைக்கும் பழக்கம் கொண்டவர்கள் ஆக உள்ளனர். ஆனால் அவற்றை ஃப்ரிட்ஜில் வைப்பது புற்றுநோயை உண்டாக்கலாம். உங்கள் ஃப்ரிட்ஜில் உள்ள குறைந்த வெப்பநிலை, உருளைக்கிழங்குகளில் உள்ள சர்க்கரை அளவை அதிகரித்து, சமைக்கும் போது புற்றுநோய் உண்டாக்கும் காசினோஜெனிக்( carcinogenic) பொருட்களை உருவாக்குவதாக சொல்லப்படுகிறது. அதனால் உருளைக்கிழங்குகளை சாதாரணமாக வெளியிலேயே வைப்பது நல்லது. தர்பூசணி, முலாம்பழங்கள்- தர்பூசணி, முலாம்பழங்களை ஃப்ரிட்ஜில் வைத்தால் அவை சீக்கிரமாக அழுகத் தொடங்கும். அதனால் தான் சூப்பர் மார்க்கெட்டில் கூட அவர்கள் இந்த பழங்களை ஃப்ரிட்ஜில் வைப்பது கிடையாது. மேலும் இவற்றை ஃப்ரிட்ஜில் வைக்கும் போது, சுவை மற்றும் நிறத்தில் மாற்றம் ஏற்படும்.