வெள்ளையர்களின் கொட்டத்தை அடக்கிய பெண் போராளி: யாரிந்த குயிலி?
செய்தி முன்னோட்டம்
வரலாற்று நிகழ்வு: சுதந்திரத்திற்காக போராடிய ராணி வேலு நாச்சியாரின் வலது கையாக செயல்பட்டு, தன் நாட்டுக்காக உயிரை மாய்த்து கொண்ட பெண் போராளி குயிலியை பற்றி கேள்வி பட்டிருக்கிறீர்களா?
18ஆம் நூற்றாண்டின் பிற்பகுதியில் ஆங்கிலேயர்கள் இந்திய துணை கண்டத்தின் பகுதிகளை ஒவ்வொன்றாக கைப்பற்றி கொண்டிருந்தனர்.
1772இல் அவர்கள் சிவகங்கையை முற்றுகையிட்டனர்.
அப்போது நடந்த போரில், வேலு-நாச்சியாரின் கணவரும் சிவகங்கையின் அரசருமான முத்து வடுகநாதரையும், அவர்களது அன்பு மகள் கௌரி நாச்சியாரையும் வெள்ளையர்கள் கொன்றனர்.
அதன் பிறகு, வேலு நாச்சியாரையும் கொல்ல அவர்கள் சூழ்ச்சி செய்தனர். அப்போது, வேலு நாச்சியாருடன் துணை நின்றவர் தான் வீரமங்கை குயிலி.
போருக்கு பிறகு, சிவகங்கை அரண்மனை வெள்ளையர்களின் கோட்டையானது. வெள்ளையர்கள் தங்களது ஆயுதங்களை அங்கு பதுக்கி வைத்திருந்தனர்.
ஞிஇஜிசினிவ்
தன் உயிரை மாய்த்து வெள்ளையர்களை சாய்த்த வீரமங்கை குயிலி
இதனை அறிந்து கொண்ட வேலு நாச்சியார், அந்த ஆயுத கிடங்கை அழிக்க குயிலியுடன் சேர்ந்து திட்டம் தீட்டினார்.
1780ஆம் ஆண்டு மருது சகோதரர்களுடன் வெள்ளையர்களை எதிர்க்க திண்டுக்கல்லில் இருந்து சிவகங்கைக்கு புறப்பட்டார் வேலு நாச்சியார்.
அவருடன் ஒரு பெரும் பெண்கள் படை இருந்தது. பெண்கள் என்ன செய்துவிட போகிறார்கள் என்ற எண்ணத்தில் வெள்ளையர்களும் மாறு வேடத்தில் இருந்த பெண் போராளிகளை கண்டு கொள்ளவில்லை.
அந்த பெண் போராளிகள் அரண்மைக்குள் இருந்த ராஜ ராஜேஸ்வரி கோவிலுக்குள் செல்வது போல் நடித்து, வெள்ளையர்களின் ஆயுத கிடங்கை கண்டுபிடித்தனர்.
அப்போது, வீரமங்கை குயிலி தன் மீது எண்ணெயை ஊற்றி கொண்டு ஆயுத கிடங்கிற்குள் குதித்து தன் உயிரை மாய்த்து கொண்டார். வெள்ளையர்களின் ஆயுத கிடங்கும் சுக்கு நூறானது.