ஆக்ரா ஹோட்டலில் பெண் ஊழியரை கூட்டு பலாத்காரம் செய்த 5 பேர் கைது: வைரலாகும் வீடியோ
செய்தி முன்னோட்டம்
உத்தரபிரதேச மாநிலம் ஆக்ராவில் உள்ள ஹோட்டலில் பெண் ஊழியர் ஒருவரை கூட்டு பலாத்காரம் செய்ததற்காக ஒரு பெண் உட்பட 5 பேர் கைது செய்யப்பட்டுள்ளனர்.
ஆக்ராவில் உள்ள ஒரு ஹோட்டலில் பணிபுரிந்து வந்த பெண் ஊழியரை அடித்து தாக்கிய 5 பேர், அவரை கட்டாயப்படுத்தி மது அருந்த வைத்து, கூட்டு பலாத்காரம் செய்ததாக குற்றம்சாட்டப்பட்டுள்ளது.
பாதிக்கப்பட்ட பெண் தாக்கப்பட்ட போது பதிவு செய்யப்பட்ட ஒரு வீடியோ தற்போது சமூக வலைத்தளங்களில் வைரலாகி வருகிறது.
"சனிக்கிழமை இரவு, தாஜ்கஞ்ச் காவல்துறைக்கு ஒரு பெண் பலாத்காரம் செய்யப்பட்டதாக ஒரு ஹோம்ஸ்டேயில் இருந்து அழைப்பு வந்தது. பாதிக்கப்பட்டவர் அளித்த புகாரின்படி, தொடர்புடைய பிரிவுகளின் கீழ் வழக்குப் பதிவு செய்யப்பட்டுள்ளது," என்று உதவி ஆணையர் அர்ச்சனா சிங் தெரிவித்துள்ளார்.
தகவ்ஞ்ச
பாதிக்கப்பட்ட பெண் போலீஸில் வாக்குமூலம்
தனது தோழியும் இன்னும் சில ஆண்களும் சேர்ந்து தன்னை வற்புறுத்தி மது அருந்த வைத்ததாகவும், அதன் பின் தன்னை ஒரு அறைக்குள் இழுத்து சேன்று பலாத்காரம் செய்ததாகவும், அதை எதிர்த்து தான் போராடிய போது அவர்கள் தன்னை தாக்கியதாகவும், கண்ணாடி பாட்டில்களால் தன் தலையில் அடித்ததாகவும் பாதிக்கப்பட்ட பெண் போலீஸில் வாக்குமூலம் அளித்துள்ளார்.
இந்த விவகாரத்தில் பலாத்காரம், துன்புறுத்துதல் மற்றும் இந்திய தண்டனைச் சட்டத்தின்(ஐபிசி) பிற தொடர்புடைய பிரிவுகளின் கீழ் வழக்கு பதிவு செய்யப்பட்டுள்ளது.
இந்த வழக்கில் நான்கு ஆண்களும் ஒரு பெண்ணும் கைது செய்யப்பட்டுள்ளனர்.
பலாத்காரம் செய்யப்பட்ட பெண் மருத்துவ பரிசோதனைக்கு அனுப்பப்பட்டுள்ளார்.