தைத்திருநாள்: போகி மற்றும் பொங்கல் பண்டிகையை ஏன் கொண்டாடுகிறோம்?
செய்தி முன்னோட்டம்
பொங்கல் 4 நாட்கள் கொண்டாடப்படும் பண்டிகையாகும். இந்த பண்டிகை முதல் நாள் போகி பண்டிகையுடன் ஆரம்பித்து, தைப்பொங்கல், மாட்டு பொங்கல் மற்றும் காணும் பொங்கலுடன் முடிவடைகிறது.
முதல் நாளான போகி பண்டிகை, மார்கழி மாதம் கடைசி தேதியில் வருகிறது. பழையவைகளை கழிவதே இந்நாளின் சிறப்பாகும்.
முன்பெல்லாம், அறுவடை செய்த விவசாயிகள் அடுத்த நாளான பொங்கலின் போது அறுவடை செய்து உணவு பொருட்களை வீட்டுக்கு எடுத்து வருவதற்கு முன்பு , போகி பண்டிகையின் போது வீட்டில் உள்ள தேவையில்லாத பொருட்களை வெளியே எறிந்து அதற்கு தீ வைத்து கொளுத்தினர்.
அதே பழக்கத்தை தான் இப்போது வரை நாம் பின்பற்றி வருகிறோம். ஆனால், அப்படி தேவையில்லாத பொருட்களுக்கு தீ வைப்பதால் காற்று மாசு அதிகரிக்கும்.
சவ்ஜ்க
போகி பண்டிகையின் போது ஒப்பாரி வைத்த பழந்தமிழர்கள்
அதனால் தற்போது பலர் தேவையில்லாத பொருட்களை தேவை உள்ளவர்களுக்கு கொடுக்க தொடங்கியுள்ளனர்.
மேலும், பிளாஸ்டிக் பொருட்கள் நிலம், நீர் மற்றும் காற்றை பாதிக்கும் என்பதால் அவற்றை மறு சுழற்சி செய்வதற்கு குப்பை தொட்டிகளில் போடுவது அவசியம்.
வரலாற்றின்படி, போகி பண்டிகையின் போது மக்கள் ஒப்பாரி வைத்தனர் என்றும் கூறப்படுகிறது.
புத்தர் இயற்கையுடன் கலந்த நாள் இது என்றும், அதுவே மக்கள் ஒப்பாரி வைத்ததற்கான காரணம் என்றும் சில ஆய்வாளர்கள் கூறுகின்றனர்.
அதற்கு அடுத்த நாளான பொங்கலின் போது, அருவாள் போன்ற அறுவடைக்கு தேவையான ஆயுதங்களை சூரிய கடவுளிடம் வைத்து பூஜை செய்த பிறகுதான் அறுவடை தொடங்கும்.
அதன்பின், அறுவடையில் கிடைத்த பொருட்களால் செய்த பொங்கல் பூமிக்கும் சூரியனுக்கும் படைக்கப்படும். அதுவே பொங்கல் தினமாகும்.