சுரங்கப்பாதையில் சிக்கிய 41 தொழிலாளர்களை வீல் ஸ்ட்ரெச்சர்கள் கொண்டு மீட்க திட்டம்
செய்தி முன்னோட்டம்
உத்தரகாண்ட் மாநிலத்தில் சார்தாம் சாலை திட்டத்தின் ஓர் பகுதியாக உத்தர்காசி-யமுனோத்ரி தாம் நகர் இடையே சாலை அமைக்கும் பணி நடந்து வருகிறது.
இதில் சில்க்யாரா-தண்டல்கான் பகுதியினை இணைக்க சுரங்கப் பாதை அமைக்கப்படவுள்ளது.
அதற்கான பணிகள் நடந்து வந்த நிலையில், கடந்த 12ம் தேதி அதிகாலை 4 மணியளவில் 60மீ.,சுரங்கப்பாதை பணியில் மண்சரிவு ஏற்பட்டு விபத்து ஏற்பட்டது.
இந்த விபத்தில் 41 தொழிலாளர்கள் சிக்கி கொண்டதாக தகவல்கள் வெளியாகி பெரும் அதிர்ச்சியினை ஏற்படுத்தியது.
ஆனால் அதிர்ஷ்டவசமாக யாரும் இதுவரை உயிரிழக்கவில்லை.
இந்நிலையில் அவர்களுக்கு மாற்று பாதை அமைக்கப்பட்டு வெளியே கொண்டுவரும் பணி தீவிரமாக நடந்து வந்த நிலையில் தற்போது 95% பணிகள் முடிந்துள்ளது என்று கூறப்படுகிறது.
சுரங்கம்
தேசிய பேரிடர் மீட்புப்பணி ஜெனரல் அதுல் கர்வால் தகவல்
இதனை தொடர்ந்து, அவர்கள் எந்த விதத்தில் வெளியே கொண்டுவரப்படவுள்ளார்கள் என்னும் விவரத்தினை தேசிய பேரிடர் மீட்புப்பணி ஜெனரல் அதுல் கர்வால் தெரிவித்துள்ளார்.
அவர் கூறியதாவது, 'விபத்து நேர்ந்த சுரங்கப்பாதைக்குள் குழாய்கள் மூலம் மீட்பு படையினர் உள்ளே செல்லவுள்ளனர். அவர்கள் தொழிலாளர்கள் இருக்கும் இடத்தினை அடையும் பட்சத்தில், தாங்கள் எடுத்து சென்ற பொருட்கள் கொண்டு தொழிலாளர்களை ஒருவர் ஒருவராக வெளியே அனுப்புவர்" என்று கூறியுள்ளார்.
தொடர்ந்து, 'உயரம் குறைவான தொழிலாளர்கள், வீல் ஸ்ட்ரெச்சர்களில் படுக்க வைத்து, என்டிஆர்எஃப் வீரர்கள் கொண்டு கயறு கட்டி வெளியே இழுக்கப்படவுள்ளார்கள்' என்றும் விளக்கம் அளித்துள்ளார்.
இந்த முறை செயல்படுத்துவதற்கு முன்னர், அந்த 800மி.மீ.,விட்டம் கொண்ட குழாயினை ஸ்ட்ரெச்சர்களை உள்ளே எடுத்து செல்லும்போது எவ்வித தடையும் ஏற்படதவாறு சுத்தம் செய்யப்படவுள்ளது.