சென்னையில் டிசம்பர்.,3 முதல் 8 வரை கேமராக்களில் பதிவான விதிமீறல் வழக்குகள் ரத்து
கடந்த 4ம் தேதி கொட்டிய தீர்த்த கனமழை காரணமாக சென்னை முழுவதும் வெள்ளம் சூழ்ந்தது. மழை ஓய்ந்த நிலையிலும் வெள்ளநீர் வடிந்த பாடில்லை என்று மக்கள் தவித்து கொண்டிருக்கிறார்கள். குறிப்பாக வடசென்னை பகுதிகளில் பாதிப்பு அதிகம் என்று தகவல்கள் தெரிவிக்கிறது. இந்நிலையில் டிசம்பர் 3ம் தேதி முதல் 8ம் தேதி வரை சிக்னல்களில் நிறுவப்பட்டிருக்கும் ஏஎன்பிஆர் என்னும் அதிநவீன கேமராக்கள் மூலம் பதிவான போக்குவரத்து விதிமீறல் வழக்குகள் அனைத்தும் ரத்து செய்யப்படுவதாக போக்குவரத்து காவல்துறை தெரிவித்துள்ளது. மிக்ஜாம் புயலின் பாதிப்பால் ஏற்பட்டுள்ள சேதங்களை கருத்தில் கொண்டு இந்த நடவடிக்கை மேற்கொள்ளப்பட்டுள்ளது என்றும் கூறப்பட்டுள்ளது. இதன் மூலம் சென்னையில் ஆங்காங்கே பொருத்தப்பட்டுள்ள அதிநவீன ஏஎன்பிஆர் கேமராக்களில் பதிவான 6,670 வழக்குகள் ரத்து செய்யப்பட்டுள்ளது குறிப்பிடத்தக்கது.
