டிஎன்பிஎஸ்சி 2025 ஆண்டுக்கான தேர்வு அட்டவணை வெளியீடு
2025-க்கான ஆண்டு தேர்வு அட்டவணையை டிஎன்பிஎஸ்சி இன்று (அக்டோபர் 10) வெளியிட்டுள்ளது. இந்த தகவல்களை அதன் அதிகாரபூர்வ இணையதளமான www.tnpsc.gov.in-ல் காணலாம். ஒன்றுக்கு மேற்பட்ட பதவிகளுக்கான தேர்வுகள் எந்த தேதி நடக்கும் என்பதைக் குறிப்பிடும் ஆண்டு தேர்வு அட்டவணையை டிஎன்பிஎஸ்சி ஒவ்வொரு ஆண்டும் வெளியிடுகிறது. இந்த ஆண்டு, குருப்-1 தேர்வு, குருப்-4 தேர்வு, ஒருங்கிணைந்த குருப்-2 மற்றும் 2-ஏ தேர்வு, மற்றும் தொழில்நுட்ப பணிகளுக்கான தேர்வு என மொத்தம் 7 தேர்வுகள் இடம்பெற்றுள்ளன. ஒவ்வொரு தேர்வுக்கும் அறிவிப்பு எப்போது வெளியிடப்படும், மற்றும் தேர்வுகள் எப்போது நடைபெறும் என்கிற விவரங்களை தேர்வர்கள் அறியலாம். காலியிடங்கள் தொடர்பான தகவல்கள் தேர்வுக்கான அறிவிப்பின் போது வழங்கப்படும் என்று குறிப்பிடப்பட்டுள்ளது.
