பெண் இதழியலாளருக்கு 'கலைஞர் எழுதுகோல் விருது': தமிழக அரசு
செய்தி முன்னோட்டம்
தமிழ்நாட்டின், மறைந்த முன்னாள் முதல்வர் கலைஞர் கருணாநிதியின் நூற்றாண்டு விழாவையொட்டி, தமிழக அரசு பல முயற்சிகளையும், விழாக்களையும் மாநிலம் முழுவதும் ஏற்பாடு செய்து வருகிறது.
அதனடிப்படையில் சிறந்த இதழியலாளர் ஒருவருக்கு "கலைஞர் எழுதுகோல் விருது" வழங்கப்படவுள்ளதாக அறிவிக்கப்பட்டது. கடந்த மாதம் இந்த விருதிற்கான விண்ணப்பங்களை வரவேற்பதாக அறிவித்த தமிழக அரசு, தற்போது பெண் இதழியலாளர் ஒருவருக்கு கூடுதலாக இந்த விருதை வழங்க முடிவெடுத்துள்ளது.
இதற்கான தகுதி பட்டியலையும் வெளியிட்டுள்ளது. அதன்படி, விண்ணப்பதாரர் தமிழ்நாட்டைச் சேர்ந்தவராக இருக்க வேண்டும், தமிழ் இதழியல் துறையில் குறைந்தபட்சம் பத்து ஆண்டுகளாக தொடர்ந்து பணிபுரிகின்றவராகவும் இருக்க வேண்டும், பத்திரிகைப் பணியை முழுநேரப் பணியாகக் கொண்டிருக்க வேண்டும் என சில நிபந்தனைகள் விதிக்கப்பட்டுள்ளது.
card 2
பெண் பத்திரிகையாளருக்கு கௌரவம்
இந்த விருதிற்கு, அனுப்படும் விண்ணப்பத்துடன், விண்ணப்பதாரரின் விரிவான சுய விவரங்கள் மற்றும் அவற்றுக்குரியவிண்ணப்பிக்கும் பத்திரிக்கையாளர், இதழியல் துறையில் சமூக மேம்பாட்டிற்காகவும், விளிம்புநிலை மக்களின் மேம்பாட்டிற்காகவும், பெண்களின் முன்னேற்றத்திற்காகவும், பங்காற்றியிருக்க வேண்டும் எனவும் கூறப்பட்டுள்ளது.
எனினும், இதற்கென அரசால் அமைக்கப்பட்டுள்ள தேர்வுக் குழுவின் முடிவே இறுதியானது எனவும் தெரிவிக்கப்பட்டுள்ளது.
இந்த விருதிற்கு, அனுப்படும் விண்ணப்பத்துடன், விண்ணப்பதாரரின் விரிவான சுய விவரங்கள் மற்றும் அவற்றுக்குரிய ஆவணங்களுடன், 'இயக்குநர், செய்தி மக்கள் தொடர்புத் துறை, தலைமைச் செயலகம், சென்னை 600009' என்ற முகவரிக்கு, இம்மாதம் 31-ம் தேதிக்குள் அனுப்பி வைக்கப்பட வேண்டும்.