மதுரை மற்றும் தென்காசியை சேர்ந்த இரண்டு ஆசிரியர்களுக்கு தேசிய நல்லாசிரியர் விருது
செய்தி முன்னோட்டம்
2023ஆம் ஆண்டிற்கான தேசிய நல்லாசிரியர் விருதுக்கு 2 ஆசிரியர்கள் தமிழகத்தில் இருந்து தேர்ந்தெடுக்கப்பட்டுள்ளனர்.
ஒவ்வொரு ஆண்டும், டாக்டர் ராதாகிருஷ்ணனின் பிறந்தநாள், அதாவது செப்டம்பர் 5ஆம் தேதி, ஆசிரியர் தினமாக கொண்டாடப்பட்டு வருகிறது.
அதே போல், ஒவ்வொரு ஆசிரியர் தினத்திற்கும் இந்தியாவில் சிறப்பாக பணிபுரிந்து சேவையாற்றிய 50 ஆசிரியர்களுக்கு தேசிய நல்லாசிரியர் விருது வழங்கப்படும்.
இந்நிலையில், இந்த வருடம் தேசிய நல்லாசிரியர் விருது பெறும் ஆசிரியர்களின் பட்டியல் நேற்று வெளியிடப்பட்டது.
இந்தியா முழுவதில் இருந்தும் 50 ஆசிரியர்கள் இந்த விருதுக்காக தேர்ந்தெடுக்கப்பட்டுள்ளனர். அதில் 2 பேர் தமிழகத்தை சேர்ந்தவர்கள் ஆவர்.
சின்க்வெஜ்
குடியரசு தலைவர் திரௌபதி முர்மு கையால் விருதை பெற இருக்கும் ஆசிரியர்கள்
மதுரை அலங்காநல்லூர் ஆண்கள் மேல்நிலை பள்ளியில் பணிபுரிந்து வரும் காட்வின் வேதநாயகம் ராஜ்குமார் என்ற ஆசிரியருக்கும், தென்காசி மாவட்டம் வீரகேரளம்புதூர் அரசு பள்ளியில் பணிபுரிந்து வரும் மாலதி என்ற ஆசிரியைக்கும் இந்த வருடத்திற்கான தேசிய நல்லாசிரியர் விருது வழங்கப்பட உள்ளது.
வரும் செப்டம்பர் 5ஆம் தேதி டெல்லி விஞ்ஞான் பவனில் நடைபெற இருக்கும் விழாவில் இந்த விருது அவர்களுக்கு வழங்கப்படும்.
குடியரசு தலைவர் திரௌபதி முர்மு அவர்களுக்கு இந்த விருதை வழங்குவார்.
இது தவிர, மாநில அரசு சாரிப்பில், ஒவ்வொரு வருடமும் ஆசிரியர்களுக்கு வழங்கப்படும் டாக்டர் ராதாகிருஷ்ணன் விருதுக்கு 385 ஆசிரியர்கள் தேர்ந்தெடுக்கப்பட உள்ளனர்.
இதற்கான இறுதிகட்ட பணிகள் நடைபெற்று வருகிறது.