சென்னை விமான நிலையத்தில் ரூ.1.59 கோடி மதிப்புள்ள தங்கம் பறிமுதல்
செய்தி முன்னோட்டம்
சென்னை பன்னாட்டு விமான நிலையத்திற்கு வெளிநாடுகளில் இருந்து தங்கம் கடத்தி வருவதாக சுங்க இலாகா அதிகாரிகளுக்கு தகவல் கிடைத்தது.
இதனால் அதிகாரிகள் தீவிர சோதனையில் ஈடுபட்டிருந்தனர்.
அப்போது துபாயில் இருந்து வந்த விமானத்தில் வந்த சென்னையை சேர்ந்த 2 பயணிகளை சந்தேகத்தின் பேரில் நிறுத்தி விசாரணை நடத்தியுள்ளனர்.
அவர்கள் முன்னுக்குபின் முரணாக பேசியதால் அவர்களது உடைமைகளை பரிசோதித்தனர்.
அதில் லேப்டாப்கள், அதன் உதிரி பாகங்கள் இருந்தது.
அதனை பிரித்து பார்த்ததில் 900 கிராம் தங்கம் இருந்தது தெரியவந்தது.
இதே போல், சார்ஜாவில் இருந்து வந்த விமானத்தில் வந்த 2 பெண் பயணிகளை சோதனை செய்த பொழுது 8 தங்க வளையல்கள் (766) தங்கம் கண்டறியப்பட்டு பறிமுதல் செய்யப்பட்டது.
ரூ.1 கோடியே 59 லட்சம்
3 கிலோ 148 கிராம் தங்கம் பறிமுதல் - 4 பெண்கள் உள்பட 7 பேர் கைது
இதனை தொடர்ந்து, குவைத்தில் இருந்து வந்த விமானத்தில் சென்னையை சேர்ந்த ஆண் பயணியை சந்தேகத்தின்பேரில் தனியறைக்கு அழைத்துசெல்லப்பட்டு சோதனைசெய்தனர்.
அப்போது அவர் உள்ளாடைக்குள் மறைத்துவைக்கப்பட்டிருந்த 645கிராம் தங்கம் பறிமுதல்செய்யப்பட்டது.
தொடர்ந்து இலங்கையில் இருந்து வந்த விமானத்தில், 2பெண் பயணிகள் சோதனைக்கு உட்படுத்தப்பட்டனர்.
அவர்கள் உடமைகளில் எதுவும்இல்லை. எனினும், சந்தேகம் தீராதநிலையில், இரண்டு பெண் சுங்கஅதிகாரிகள் அப்பெண்களை அறைக்குள் அழைத்தசென்று சோதனை செய்துள்ளனர்.
அதில் அவர்கள் உள்ளாடைக்குள் வைத்து கொண்டுவந்த 837கிராம் தங்கம் பறிமுதல் செய்யப்பட்டது.
இதனையடுத்து சென்னை விமான நிலையத்தில் சுங்க அதிகாரிகள் சோதனை செய்ததில் ரூ.1கோடியே 59லட்சம் மதிப்புள்ள 3கிலோ 148கிராம் தங்கம் பறிமுதல் செய்யப்பட்டது.
கடத்தலில் ஈடுபட்ட 4 பெண்கள் உள்பட 7பேர் கைதுசெய்யப்பட்டு விசாரணை நடந்து வருகிறது.