உலக அளவில் டாப் 200ல் 3 இந்திய கல்வி நிறுவனங்களுக்கு மட்டுமே இடம்; அண்ணா பல்கலைக்களத்திற்கு எந்த இடம்?
செய்தி முன்னோட்டம்
சர்வதேச அளவில் கல்வி நிறுவனங்களின் தரத்தை ஆய்வு செய்யும் QS உலக பல்கலைக்கழக தரவரிசை 2027 தற்போது அதிகாரப்பூர்வமாக வெளியிடப்பட்டுள்ளது. உலகம் முழுவதிலும் உள்ள மாணவர்கள் மற்றும் கல்வியாளர்கள் இந்த பட்டியலை உன்னிப்பாகக் கவனித்து வருகின்றனர். இந்த ஆண்டின் புதிய தரவரிசைப் பட்டியலில், இந்தியாவின் உயரிய கல்வி நிறுவனமான ஐஐடி டெல்லி இந்திய அளவில் முதலிடத்தைப் பிடித்து சாதனை படைத்துள்ளது. உலகளாவிய பட்டியலில் கடந்த ஆண்டை விட 5 இடங்கள் முன்னேறி இம்முறை அசத்தியுள்ளது.
சிறப்பம்சங்கள்
முக்கிய சிறப்பம்சங்கள்
உலக அளவில் டாப் 200 பல்கலைக்கழகங்கள் பட்டியலில் 3 இந்திய நிறுவனங்கள் மட்டுமே இடம் பிடித்துள்ளன. இந்திய அளவில் ஐஐடி டெல்லி முதலிடத்தையும், ஐஐடி மும்பை மற்றும் ஐஐடி மெட்ராஸ் அடுத்தடுத்த இடங்களையும் பிடித்துள்ளன. உலகளாவிய தரவரிசையில் அமெரிக்காவின் புகழ்பெற்ற எம்ஐடி பல்கலைக்கழகம் தொடர்ந்து 15வது ஆண்டாக முதலிடத்தைத் தக்கவைத்துள்ளது.
ஐஐடி
டாப் 200ல் நுழைந்த 3 இந்திய ஐஐடிக்கள்
உலக அளவில் டாப் 200 இடங்களுக்குள் இந்தியாவின் மூன்று முக்கிய ஐஐடி கல்வி நிறுவனங்கள் மட்டுமே இம்முறை நுழைந்துள்ளன. ஐஐடி டெல்லி: உலக அளவில் 118-வது இடத்தைப்பிடித்து இந்திய அளவில் முதலிடம் பெற்றுள்ளது. கடந்த 2026ல் 123வது இடத்தில் இருந்த இந்நாடாளுமன்ற நிறுவனம், தற்போது 5 இடங்கள் முன்னேறியுள்ளது. ஐஐடி மும்பை: உலகளாவிய தரவரிசையில் 134வது இடத்தைப் பிடித்து இந்திய அளவில் இரண்டாம் இடம் பெற்றுள்ளது. ஐஐடி மெட்ராஸ்: உலக அளவில் 170வது இடத்தைப் பெற்று இந்திய அளவில் மூன்றாம் இடத்தில் உள்ளது.
செயல்பாடு
முக்கிய குறியீடுகளில் ஐஐடிக்களின் செயல்பாடு
ஆராய்ச்சி தாக்கம் என்ற பிரிவில் ஐஐடி டெல்லி 97.3 புள்ளிகளையும், ஐஐடி மெட்ராஸ் 95.3 புள்ளிகளையும் பெற்று மிகச்சிறந்த பங்களிப்பை அளித்துள்ளன. வேலைவாய்ப்பு விளைவுகள் மற்றும் நிறுவனத்தின் நன்மதிப்பு ஆகியவற்றில் ஐஐடி மும்பை 97.8 புள்ளிகளுடன் மிக வலுவான நிலையில் உள்ளது.
அண்ணா பல்கலைக்கழகம்
தமிழகத்தின் அண்ணா பல்கலைக்கழகம் என்ன ரேங்க்?
தமிழகத்தைச் சேர்ந்த சென்னை அண்ணா பல்கலைக்கழகம் இந்த சர்வதேச தரவரிசைப் பட்டியலில் இந்திய அளவில் 11வது இடத்தையும், உலக அளவில் 470வது இடத்தையும் பிடித்துள்ளது. அதேபோல், வேலூர் இன்ஸ்டிடியூட் ஆஃப் டெக்னாலஜி உலக அளவில் 597வது இடத்தை எட்டியுள்ளது. இது தமிழக கல்வித்துறைக்கு ஒரு பெருமையான விஷயமாகும்.
முதலிடம்
உலக அளவில் முதலிடம் யாருக்கு?
உலகளாவிய தரவரிசையில் அமெரிக்காவின் மாசசூசெட்ஸ் தொழில்நுட்ப நிறுவனம் தனது அசுர ஆதிக்கத்தைத் தொடர்ந்து நிலைநிறுத்தி, 15வது ஆண்டாக முதலிடத்தைப் பிடித்துள்ளது. இதற்கு அடுத்தபடியாக லண்டன் இம்பீரியல் கல்லூரி மற்றும் ஸ்டான்போர்ட் பல்கலைக்கழகம் ஆகிய இரண்டுமே 99.2 புள்ளிகளுடன் உலக அளவில் இரண்டாம் இடத்தைப் பகிர்ந்து கொண்டுள்ளன.