மதுரையில் கிரானைட் குவாரி நடத்த எதிர்ப்பு தெரிவித்து காத்திருப்பு போராட்டம்
செய்தி முன்னோட்டம்
மதுரை மேலூர் பகுதியிலுள்ள குவாரிகள் விதிகளை மீறி கிரானைட் எடுத்த காரணத்தினால் தமிழக அரசுக்கு பல கோடி நஷ்டம் ஏற்பட்டதாக புகார்கள் எழுந்தது.
அதன்படி 2011ம்.,ஆண்டு அப்போதைய மாவட்ட ஆட்சியர் சகாயம் நேரில் சென்று அப்பகுதிகளை ஆய்வுச்செய்துள்ளார்.
அதில் பொழுது இந்த தொழிலில் ஈடுபட்டுள்ளோர் அரசு விதிகளை மீறி சுற்றுவட்டார பகுதிகளிலுள்ள மலைகளை குடைந்து கிரானைட் கற்களை எடுத்தது தெரியவந்துள்ளது.
இந்த விசாரணை தொடர்பான அறிக்கையினை சகாயம் அரசிடம் ஒப்படைத்ததாக கூறப்படுகிறது.
இதனைத்தொடர்ந்து முறையான அனுமதியின்றி கிரானைட் கற்கள் உள்ளிட்ட கனிம வளங்களை எடுத்து தொழில் செய்ததாகக்கூறி அப்பகுதி காவல்துறையினர் 200க்கும்.,மேற்பட்ட வழக்குகளை தொடர்ந்துள்ளனர்.
மேலும் ஆய்வறிக்கையின் அடிப்படையில் மதுரை முழுவதுமுள்ள அனைத்து குவாரிகளையும் 2012ம்.,ஆண்டு மூடி அரசாங்கம் சீல் வைத்துள்ளது.
குவாரி
போராட்டத்தில் ஈடுபட்ட சுமார் 500 பேர்
இந்நிலையில் 11 ஆண்டுகளுக்கு பிறகு மீண்டும் அப்பகுதியில் குவாரிகளை துவங்குவதற்கான குத்தகை விடப்படவுள்ளது என்று மாவட்ட ஆட்சியர் அலுவலகத்திலிருந்து அறிக்கை வெளியாகியுள்ளது.
புவியியல் மற்றும் சுங்கத்துறை சார்பிலான அனுமதியும் இதற்கு பெறப்பட்டுள்ளது.
கொட்டாம்பட்டி பகுதியருகேவுள்ள அய்யாப்பட்டி, திருச்சுனை, சேக்கிபட்டி உள்ளிட்ட கிராமங்களில் குவாரி அமைக்க முடிவு செய்துள்ளதாகவும் கூறப்படுகிறது.
இதற்கு அப்பகுதியிலுள்ள குவாரியால் பாதிக்கப்பட்ட மக்கள் எதிர்ப்பு தெரிவித்துள்ளனர்.
விவசாயம் மற்றும் சுற்றுசூழல் இந்த குவாரி அமைக்கப்பட்டால் கடுமையாக பாதிக்கப்படும் என்றுக்கூறி அவர்கள் ஆட்சியர் அலுவலகத்தில் மனு கொடுத்துள்ளனர்.
தொடர்ந்து சேக்கிபட்டி கிராமத்தில் திடீரென மக்கள் போராட்டம் செய்ய துவங்கியுள்ளனர்.
இதில் சுற்றுவட்டார 15 கிராமங்கள் பங்கேற்ற நிலையில் பெண்கள் உள்ளிட்ட 500.,பேர் இதில் கலந்துக்கொண்டு தங்கள் எதிர்ப்பினை தெரிவித்து வருவது குறிப்பிடத்தக்கது.