கர்நாடகாவில் காதலிக்க மறுத்த பக்கத்து வீட்டு பெண்ணை கத்தியால் குத்திக் கொன்றவர் தப்பி ஓட்டம்
கர்நாடகாவின் ஹுப்பாலியில் வசித்து வந்த 20 வயது பெண் ஒருவர் அண்டை வீட்டு காரரின் காதலை மறுத்ததால் கத்தியால் குத்தி கொல்லப்பட்டார். அஞ்சலி அம்பிகேரா இன்று அதிகாலை தூங்கிக் கொண்டிருந்தபோது, 21 வயதான கிரிஷ் சாவந்த் என்பவர் அவரது வீட்டிற்குள் நுழைந்து அஞ்சலியை கத்தியால் பலமுறை குத்தியதாகக் கூறப்படுகிறது. சாவந்த் தற்போது தலைமறைவாக உள்ளதால், போலீசார் அவரை தேடி வருகின்றனர். கிரீஷ் தன்னை காதலிக்குமாறு அஞ்சலியை வற்புறுத்தி வந்தார். ஆனால் அஞ்சலியை அதை மறுத்துவிட்டார். அதனால் கோபடைந்த கிரீஷ், அஞ்சலியை கத்தியால் குத்தி கொன்றார். போலீசார், அந்த பெண்ணின் வீட்டிற்கு சென்று, அவரது உடலை மீட்டனர்.
குற்றவாளியைப் பிடிக்க ஒரு குழு அமைக்கப்பட்டுள்ளது
பிரேத பரிசோதனைக்காக அவரது உடலை எடுத்துச் செல்லும்போது அவரது உறவினர்கள் கதறி அழும் வீடியோ காட்சிகள் சமூக வலைத்தளங்களில் வைரலாகி வருகிறது. ஹுப்பாலி-தர்வாட் காவல்துறைத் தலைவர் கோபால் பியாகோட், வீரப்பூர் ஓனி கிராமத்தில் இந்த கொலை நடந்ததாகக் கூறியுள்ளார். "இந்த சோகமான சம்பவத்தின் பின்னணியைக் கண்டறிய நாங்கள் வழக்குப் பதிவு செய்து மேலும் விசாரித்து வருகிறோம். குற்றவாளியைப் பிடிக்க ஒரு குழு அமைக்கப்பட்டுள்ளது," என்று அவர் மேலும் கூறினார். ஒரு மாதத்திற்கு முன், இதே ஹுப்பாலி மாவட்டத்தில் தான் 23 வயதான நேஹா ஹிரேமத் தனது முன்னாள் வகுப்புத் தோழனான ஃபயாஸ் கோண்டுநாயக்கால் கல்லூரி வளாகத்தில் அதிர்ச்சியூட்டும் வகையில் கொலை செய்யப்பட்டார்.
