நீட் முதுகலை 2024 நுழைவுத் தேர்வு முடிவுகள் வெளியானது; முடிவுகளை தெரிந்து கொள்வது எப்படி?
மருத்துவ அறிவியலுக்கான தேசிய தேர்வு வாரியம் (NBEMS) இறுதியாக நீட் பிஜி 2024 தேர்வு முடிவுகளை வெளியிட்டுள்ளது. முதுநிலைப் படிப்புகளுக்கான தேசிய தகுதி மற்றும் நுழைவுத் தேர்வான நீட் பிஜி தேர்வு எழுதிய விண்ணப்பதாரர்கள், அதிகாரப்பூர்வ இணையதளங்களான natboard.edu.in மற்றும் nbe.edu.inஇல் தங்கள் முடிவுகளைப் பார்க்கலாம். நீட் பிஜி 2024 முடிவு அறிவிப்புடன், நீட் பிஜி 2024 கட்-ஆஃப்களும் அறிவிக்கப்பட்டுள்ளன. இது இந்தியா முழுவதும் உள்ள பல்வேறு மருத்துவக் கல்லூரிகளில் சேர்க்கைக்குத் தேவையான குறைந்தபட்ச மதிப்பெண்கள் பற்றிய தெளிவை வழங்குகிறது. பல்வேறு பிரிவுகளுக்கான கட்-ஆஃப் சதவீதம் பின்வருமாறு: பொது/ஈடபிள்யூஎஸ்: 50வது சதவீதம் பொது-மாற்றுத் திறனாளிகள்: 45வது சதவீதம் ஓபிசி/எஸ்சி/எஸ்டி (மாற்றுத் திறனாளிகள் உட்பட): 40வது சதவீதம்
நீட் பிஜி 2024 முடிவுகளை பதிவிறக்கம் செய்வது எப்படி?
நீட் பிஜி 2024 முடிவுகள், தேர்வின் சதவீதம் மற்றும் ரேங்க் ஆகியவை அடங்கிய பட்டியல் பிடிஎப் வடிவில் கிடைக்கும். நீட் பிஜி 2024இல் தேர்வான விண்ணப்பதாரர்களின் தனிப்பட்ட மதிப்பெண் அட்டைகளை, வாரியம் பகிர்ந்துள்ள தகவலின்படி, ஆகஸ்ட் 30, 2024 அன்று/பின்னர் https://nbe.edu.in/ என்ற இணையதளத்தில் இருந்து பதிவிறக்கம் செய்து கொள்ளலாம். தேர்வர்கள் சமர்ப்பித்த பதில்களை மறுமதிப்பீடு செய்தல், மறுபரிசீலனை செய்தல் அல்லது மறுதொடக்கம் செய்தல் ஆகியவை இதில் இருக்காது என்பது குறிப்பிடத்தக்கது. எனினும், ஏதேனும் பிழை இருந்தால் தொடர்பு கொள்வதற்காக மருத்துவ ஆணையம் +91 7996165333 என்ற எண்ணில் தொடர்பு கொள்ள அறிவுறுத்தியுள்ளது.
