மும்பை பாந்த்ரா சுங்கச்சாவடியில் கார் விபத்து: மூவர் பலி, 12 பேர் காயம்
செய்தி முன்னோட்டம்
மும்பையில் உள்ள பாந்த்ரா வோர்லி சீ லிங்கில் உள்ள சுங்கச்சாவடியில், நேற்று, வியாழக்கிழமை இரவு, வேகமாக வந்த எஸ்யூவி, பல வாகனங்களை மோதியதில் மூன்று பேர் கொல்லப்பட்டனர் மற்றும் ஆறு பேர் காயமடைந்தனர் என்று போலீசார் தெரிவித்தனர்.
நேற்று இரவு 10.15 மணியளவில், சுங்கச்சாவடிக்கு 100 மீட்டர் முன்பு, பாந்த்ரா நோக்கி வந்து கொண்டிருந்த டொயோட்டா இன்னோவா கார் ஒன்று, மெர்சிடிஸ் மீது மோதியதாக போலீசார் தெரிவித்தனர்.
சம்பவ இடத்திலிருந்து தப்பிச் செல்லும் முயற்சியில், இன்னோவா கார் சுங்கவரி வரிசையில் நின்றிருந்த மேலும் பல வாகனங்கள் மீது மோதியது.
இந்த விபத்தில் விபத்தில் மொத்தம் ஆறு வாகனங்கள் சேதமடைந்தது என தகவல்கள் தெரிவிக்கின்றன.
card 2
விபத்தில் 3 பேர் பலி, பலர் காயம்
இவ்விபத்தில் இரண்டு பெண்களும் ஒரு ஆணும் உயிரிழந்துள்ளதாக போலீசார் மேலும் தெரிவித்தனர்.
மேலும், 12 பேர் காயமடைந்துள்ளனர். இவர்களில் இருவர் கவலைக்கிடமான நிலையில் உள்ளனர்.
இந்த விபத்தை ஏற்படுத்திய டொயோட்டா இன்னோவா காரின் டிரைவர் கைது செய்யப்பட்டுள்ளதுடன் அவரது காரும் கைப்பற்றப்பட்டுள்ளது.
மேற்கு மும்பையில் உள்ள பாந்த்ராவை, தெற்கு மும்பையில் உள்ள வொர்லியுடன் இணைக்கும் 5.6 கிலோமீட்டர் நீளம் கொண்ட, எட்டு வழி பாந்த்ரா-வொர்லி கடல் இணைப்பு, சமீப மாதங்களில் பல கார் விபத்துக்களை சந்தித்துள்ளது.