நாடு முழுவதும் கனமழை, வெள்ளம்: 3 தென் மாநிலங்களுக்கு 'ரெட் அலர்ட்'
செய்தி முன்னோட்டம்
பல வட மாநிலங்கள் கனமழையாலும் வெள்ளத்தாலும் பாதிக்கப்பட்டுள்ள நிலையில், 3 தென் மாநிலங்களுக்கு வானிலை ஆய்வு மையம் 'ரெட் அலர்ட்' விடுத்துள்ளது.
கர்நாடகா, தெலுங்கானா மற்றும் கேரளாவில் உள்ள பல மாவட்டங்களில் கனமழை முதல் மிக கனமழை வரை பெய்யும் என்று கூறியுள்ள வானிலை ஆய்வு மையம், முன்னெச்சரிக்கை நடவடிக்கைகளை எடுக்குமாறு மக்களுக்கு அறிவிவுறுத்தியுள்ளது.
அதிக கனமழை பெய்ததால், தெலுங்கானாவில் உள்ள அனைத்து பள்ளி மற்றும் கல்லூரிகளுக்கு இன்று விடுமுறை அறிவிக்கப்பட்டுள்ளது.
தெலுங்கானாவின் மகபூப்நகர் மாவட்டத்தில் நேற்று பெய்த கனமழையால் தாழ்வான பகுதிகள் வெள்ளத்தில் மூழ்கின.
தெலுங்கானாவின் பல இடங்களில் சாலை இணைப்புகள் துண்டிக்கப்பட்டதால் இரண்டு சிறுமிகள் நிரம்பி வழியும் ஓடையில் அடித்துச் செல்லப்பட்டனர்.
ஜட்க்
டெல்லியில் இன்று கடுமையான கனமழை பெய்து வருகிறது
கர்நாடகாவின் கடலோரப் பகுதிகளில் வாழும் மக்கள் தண்ணீர் தேங்கக்கூடிய பகுதிகளைத் தவிர்க்க வேண்டும் என்றும் இடிந்து விழுக்கூடிய நிலையில் உள்ள அபாயகரமான கட்டமைப்புகளில் இருந்து விலகி இருக்க வேண்டும் என்றும் வானிலை ஆய்வு மையம் கேட்டுக் கொண்டுள்ளது.
இதற்கிடையில், டெல்லியில் இன்று கடுமையான கனமழை பெய்ததால், பல பகுதிகளில் தண்ணீர் தேங்கி உள்ளது.
மேலும், டெல்லிக்கு இன்று ஆரஞ்சு எச்சரிக்கை விடுப்பதாக வானிலை ஆய்வு மையம் அறிவித்துள்ளது.
டெல்லி, NCR மற்றும் அதை ஒட்டிய பிற இடங்களில் உள்ள தனிமைப்படுத்தப்பட்ட பகுதிகளில் லேசானது முதல் மிதமான மழை பெய்யும் என்று எதிர்பார்க்கப்படுகிறது.
NCR பகுதியில் கனமழை பெய்து வருவதால், அந்த பகுதியில் உள்ள அனைத்து பள்ளிகளுக்கும் இன்று விடுமுறை அளிக்கப்பட்டது.