மேற்கு வங்க மாநிலம் ஹூக்ளியில் கச்சா வெடிகுண்டு வெடித்ததில் ஒரு சிறுவன் பலி
செய்தி முன்னோட்டம்
மேற்கு வங்க மாநிலம் ஹூக்ளி மாவட்டத்தில் கச்சா வெடிகுண்டு வெடித்ததில் ஏழு வயது சிறுவன் இன்று உயிரிழந்தான்.
பாண்டுவாவில் நடந்த இந்த குண்டுவெடிப்பில் மேலும் இரண்டு மைனர் சிறுவர்களும் பலத்த காயம் அடைந்து மருத்துவமனையில் சிகிச்சை பெற்று வருகின்றனர்.
பாண்டுவாவின் நேதாஜிபள்ளி காலனியில் உள்ள ஒரு குளத்தின் அருகே ஏராளமான குழந்தைகள் விளையாடிக் கொண்டிருந்ததாக கூறப்டுகிறது.
இந்நிலையில், திடீரென அப்பகுதியில் பலத்த சத்தம் கேட்டதையடுத்து, அப்பகுதி மக்கள் விரைந்து வந்து பார்த்தபோது, சில குழந்தைகள் மயங்கிய நிலையில் கிடந்தனர்.
மூன்று சிறுவர்களும் முதலில் பாண்டுவா மருத்துவமனைக்கு கொண்டு செல்லப்பட்டனர். அங்கு ஒருவர் இறந்துவிட்டதாக அறிவிக்கப்பட்டது.
இந்தியா
குண்டுவெடிப்பில் திரிணாமுல் காங்கிரசுக்கு தொடர்பு இருப்பதாக குற்றச்சாட்டு
மற்ற இருவரின் நிலை கவலைக்கிடமானதாக இருந்ததால், அவர்கள் சுஞ்சுரா இமாம்பரா மருத்துவமனைக்கு அனுப்பி வைக்கப்பட்டனர்.
இதுகுறித்து ஹூக்ளி ரூரல் போலீசார் விசாரணை நடத்தி வருகின்றனர்.
திரிணாமுல் காங்கிரஸ் எம்பி அபிஷேக் பானர்ஜி, பாண்டுவாவில் உள்ள ஹூக்ளி மக்களவை தொகுதியில் அக்கட்சி வேட்பாளர் ரச்சனா பானர்ஜியை ஆதரித்து இன்று தேர்தல் பேரணி நடத்த திட்டமிட்டிருந்தார்.
இந்த குண்டுவெடிப்பில் திரிணாமுல் காங்கிரசுக்கு தொடர்பு இருப்பதாக உள்ளூர் பாஜக எம்பி லாக்கெட் சட்டர்ஜி குற்றம் சாட்டியுள்ளார்.
மேற்கு வங்கத்தில் நாளை மக்களவைத் தேர்தலின் மூன்றாம் கட்ட வாக்குப்பதிவு நடைபெற உள்ள நிலையில், இன்று இந்த சம்பவம் நடந்துள்ளது. அந்த மாநிலத்தில் நான்கு தொகுதிகளுக்கு நாளை தேர்தல் நடைபெறவுள்ளது