கேரளா குண்டு வெடிப்பு சம்பவம் - குற்றவாளியை அடையாளம் காண நடத்தப்பட்ட அணிவகுப்பு
செய்தி முன்னோட்டம்
கேரளா மாநிலம் களமசேரி என்ற ஊரிலுள்ள மாநாடு மையம் ஒன்றில், கிறிஸ்தவ வழிபாட்டு கூட்டம் கடந்த அக்.,29ம் தேதி நடைபெற்றது.
யெகோவாவின் பிரார்த்தனைக் கூட்டம் என்ற பெயரில் நடைபெற்ற மூன்று நாள் கூட்டத்தின் கடைசி நாளான அக்.,29ம் தேதி, தொடர்ச்சியாக மூன்று குண்டுகள் வெடித்தது.
இதில் லிபினா என்னும் 12 வயது சிறுமி உள்ளிட்ட 3 பேர் உயிரிழந்தனர்.
இந்த குண்டுவெடிப்பு சம்பவம் கேரளா முழுவதும் பெரும் அதிர்வலைகளை ஏற்படுத்தியது.
இந்த சம்பவம் நேர்ந்த சில மணி நேரத்திலேயே கொச்சி பகுதியினை சேர்ந்த டொமினிக் பாண்டியன் என்பவர், தானாக சரணடைந்து இந்த குண்டுவெடிப்பு சம்பவத்திற்கு தான் தான் காரணம் என்று காவல்துறையிடம் தெரிவித்தார்.
அணிவகுப்பு
நீதிபதி முன்னிலையில் நடத்தப்பட்ட அணிவகுப்பு
இதனை தொடர்ந்து அவர் கைது செய்யப்பட்டு சிறையில் அடைக்கப்பட்டார்.
இந்நிலையில், சிறையிலுள்ள டொமினிக் பாண்டியனை அடையாளம் காண்பதற்கான அணிவகுப்பு அண்மையில் நடத்தப்பட்டுள்ளது.
இதில் குண்டு வெடிப்பு நிகழ்ந்த ஜெபக்கூட்டத்தில் கலந்துகொண்டிருந்த 3 பேர் பங்கேற்றதாக தகவல்கள் வெளியாகியுள்ளது.
அதன்படி இந்த அணிவகுப்பானது எர்ணாகுளம் பகுதியிலுள்ள, ஜுடிஷியல் மாஜிஸ்திரேட், டொமினிக் பாண்டியனை அடைக்கப்பட்டுள்ள காக்கநாடு மாவட்ட சிறைக்கு வருகை தந்திருந்த பொழுது நடத்தப்பட்டுள்ளது.
குண்டு வெடிப்பு சம்பவம் நிகழ்ந்த தினத்தன்று டொமினிக்கை சிலர் பார்த்ததாக காவல்துறைக்கு தகவல் தெரிவித்துள்ளனராம்.
அதனடிப்படையில் தான் இந்த அணிவகுப்பு 20 நிமிடங்கள் நடைப்பெற்றுள்ளது.