கர்நாடகாவில் ஹோட்டல் அறைக்குள் புகுந்து இரு வேறு மதத்தை சேர்ந்த ஜோடியை தாக்கியவர்கள் மீது பலாத்கார குற்றச்சாட்டு
செய்தி முன்னோட்டம்
கர்நாடகாவில் உள்ள ஒரு லாட்ஜின் அறைக்குள் புகுந்து இரு வேறு மதத்தை சேர்ந்த ஒரு ஜோடியை சரமாரியாக தாக்கிய 7 பேர் மீது பலாத்கார குற்றச்சாட்டு எழுந்துள்ளது.
தனது காதலனுடன் ஹோட்டல் அறையில் இருந்த தன்னை, தாக்குதல்காரர்கள் 7 பேர் ஒரு ஆளில்லா பகுதிக்கு தூக்கி சென்று மாறிமாறி பலாத்காரம் செய்ததாக பாதிக்கப்பட்ட பெண் தெரிவித்துள்ளார்.
அந்தப் பெண்ணின் குற்றசாட்டை தொடர்ந்து தாக்குதல்காரர்கள் ஏழு பேர் மீது பலாத்கார வழக்கு பதிவு செய்யப்பட்டுள்ளது.
இது குறித்து அந்த பெண் ஒரு வீடியோவை வெளியிட்டுள்ளார்.
தன்னை கூட்டு பலாத்காரம் செய்த பிறகு, ஒரு காரில் வைத்து தன்னை அவர்கள் நகரம் முழுவதும் சுற்றி வந்ததாக அந்த வீடியோவில் பாதிக்கப்பட்ட பெண் கூறியுள்ளார்.
ட்ஜ்கவ்
வேறு மதத்தை சேர்ந்த கள்ள காதலனுடன் ஹோட்டலில் தங்கியிருந்த போது நடந்த விபரீதம்
அந்த காரை ஒட்டிய டிரைவரும் தன்னை பலாத்காரம் செய்ததாக அவர் தெரிவித்துள்ளார்.
"அவர்கள் பின்னர் என்னை ஒரு பேருந்து நிறுத்தத்தில் இறக்கிவிட்டனர். அவர்கள் தண்டிக்கப்பட வேண்டும் என்று நான் விரும்புகிறேன்," என்றும் பாதிக்கப்பட்ட இஸ்லாமிய பெண் கூறியுள்ளார்.
"பாலியல் பலாத்காரம் குறித்து எங்களுக்கு முன்பு தெரியாது. அந்த பெண்ணின் வீடியோ குறித்த ஊடக செய்திகள் மூலம்தான் அது குறித்து எங்களுக்குத் தெரிய வந்தது. உரிய பிரிவின் கீழ் வழக்குப் பதிவு செய்துள்ளோம்" என்று ஹாவேரி காவல் கண்காணிப்பாளர் அன்ஷு குமார் கூறியுள்ளார்.
பாதிக்கப்பட்ட பெண் ஏற்கனவே திருமணம் ஆனவர் ஆவார். அவர் வேறு மதத்தை தனது கள்ள காதலனுடன் ஹாவேரி மாவட்டத்தில் உள்ள ஒரு ஹோட்டலில் தங்கி இருந்தபோது இந்த சம்பவம் நடந்தது.