ஒரு மாதத்திற்கு முன் காணாமல் போன இந்தியாவை சேர்ந்த மாணவர் அமெரிக்காவில் சடலமாக மீட்பு
செய்தி முன்னோட்டம்
க்ளீவ்லேண்ட் ஸ்டேட் யுனிவர்சிட்டியில் முதுகலைப் படிப்பிற்காக 2023 ஆம் ஆண்டு அமெரிக்கா சென்ற ஹைதராபாத்தைச் சேர்ந்த 25 வயது மாணவர் சடலமாக மீட்கப்பட்டதாக நியூயார்க்கில் உள்ள இந்திய துணைத் தூதரகம் இன்று தெரிவித்துள்ளது.
முகமது அப்துல் அர்பாத் கிட்டத்தட்ட மூன்று வாரங்களாகக் காணாமல் போயிருந்தார் என்று தெரிவிக்கப்பட்டுள்ளது.
இது குறித்து பேசி இருந்த இந்திய துணைத் தூதரகம், அப்துலின் குடும்பத்தினருடன் தொடர்பில் இருப்பதாகவும், அவரைக் கண்டுபிடிக்க உள்ளூர் சட்ட அமலாக்க நிறுவனங்களுடன் இணைந்து பணியாற்றி வருவதாகவும் கூறியிருந்தது.
இன்று காலை அவர் சடலமாக மீட்கப்பட்டதாக தூதரகம் தெரிவித்துள்ளது.
அமெரிக்கா
"அர்பாத்தின் குடும்பத்திற்கு ஆழ்ந்த இரங்கல்கள்": இந்திய தூதரகம்
"தேடப்பட்டு வந்த திரு. முகமது அப்துல் அர்பாத், ஓஹியோவில் உள்ள கிளீவ்லேண்டில் இறந்து கிடந்தார் என்பதை அறிந்து மிகவும் வேதனையடைந்தேன். திரு முகமது அர்பாத்தின் குடும்பத்திற்கு எங்கள் ஆழ்ந்த இரங்கல்கள்" என்று தூதரகம் ட்விட்டரில் பதிவிட்டுள்ளது.
"இந்திய தூதரகம், திரு முகமது அப்துல் அர்பாத்தின் மரணம் குறித்து முழுமையான விசாரணையை உறுதி செய்வதற்காக உள்ளூர் ஏஜென்சிகளுடன் தொடர்பில் உள்ளது. அவரது அஸ்தியை இந்தியாவுக்கு எடுத்துச் செல்ல, அவரை இழந்து வாடும் குடும்பத்தினருக்கு அனைத்து உதவிகளையும் செய்து வருகிறோம்," என்று தூதரகம் மேலும் கூறியுள்ளது.
உயிரிழந்த மாணவர் கடைசியாக மார்ச் 7 ஆம் தேதி பேசியதாகவும், பின்னர் அவரது செல்போன் சுவிட்ச் ஆஃப் செய்யப்பட்டதாகவும் அர்பத்தின் தந்தை முகமது சலீம் கூறியுள்ளார்.