இந்தியாவில் 10 ஆயிரத்தைத் தாண்டிய கொரோனா பாதிப்பு: நேற்றில் இருந்து 30% அதிகரிப்பு
நேற்று(ஏப்-12) 7,946ஆக இருந்த தினசரி கொரோனாவின் எண்ணிக்கை, தற்போது 10,158ஆக உயர்ந்துள்ளது. 8 மாதங்களுக்கு பிறகு தினசரி கொரோனாவின் எண்ணிக்கை 10 ஆயிரத்தை தாண்டியுள்ளது. நாட்டின் செயலில் உள்ள கொரோனா 44,998 ஆக உயர்ந்துள்ளது. இது மொத்த தொற்றுநோய்களில் 0.10 சதவீதமாகும். இதுவரை, இந்தியாவில் 4.47 கோடி(4,47,86,160) கொரோனா பாதிப்புகள் ஏற்பட்டுள்ளது. கொரோனாவால் இதுவரை ஏற்பட்ட உயிரிழப்புகள் 5,31,035ஆக உயர்ந்துள்ளது. கடந்த 24 மணிநேரதத்தில் மட்டும் 19 இறப்புகள் பதிவாகியுள்ளன. இந்தியாவில் கொரோனா பரவ தொடங்கி இருப்பதால், அடுத்த 10-12 நாட்களுக்கு பாதிப்புகள் அதிகரிக்கும் என்றும், அதன் பிறகு நோய்த்தொற்றுகள் குறையும் என்றும் அரசாங்கம் நேற்று தெரிவித்தது.
கொரோனா பாதிப்புகள் மற்றும் தடுப்பூசிகளின் புள்ளிவிவரங்கள்
கொரோனாவிலிருந்து மீண்டவர்களின் எண்ணிக்கை 4,42,10,127ஆக உயர்ந்துள்ளது. கடந்த 24 மணிநேரதத்தில் மட்டும் 5,356 பேர் குணமடைந்துள்ளனர். தினசரி கொரோனா நேர்மறை விகிதம் 4.42 சதவீதமாகவும், வாராந்திர நேர்மறை விகிதம் 4.02 சதவீதமாகவும் பதிவு செய்யப்பட்டுள்ளது. தேசிய கொரோனா மீட்பு விகிதம் 98.71 சதவீதமாகவும், இறப்பு விகிதம் 1.19 சதவீதமாகவும் பதிவு செய்யப்பட்டுள்ளதாக அமைச்சகம் தெரிவித்துள்ளது. கடந்த 24 மணி நேரத்தில் 2,29,958 கொரோனா சோதனைகள் நடத்தப்பட்டுள்ளது. இதுவரை 220,66,24,653 கோவிட் தடுப்பூசிகள் மக்களுக்கு வழங்கப்பட்டுள்ளதாக அமைச்சகத்தின் இணையதள தரவுகள் கூறுகின்றன. கடந்த 24 மணிநேரத்தில் மட்டும் 327 தடுப்பூசிகள் போடப்பட்டுள்ளன.
