தொகுதி பங்கீடு குறித்து இந்தியா கூட்டணி தலைவர்கள் இன்று ஆலோசனை; மம்தா பங்கெடுக்கவில்லை
எதிர்க்கட்சி கூட்டணியான இந்திய தேசிய வளர்ச்சி உள்ளடக்கிய கூட்டணி (இந்தியா) பிளாக், இன்று தொகுதி பங்கீடு குறித்த ஆலோசனையை துவக்கியுள்ளது. காணொளி வாயிலாக நடைபெறும் இந்த கூட்டத்தில், திமுக சார்பில், அதன் தலைவர் மு.க.ஸ்டாலினும் கலந்து கொண்டுள்ளார். மூத்த தலைவர் ராகுல் காந்தி தலைமையில் காங்கிரஸின் வரவிருக்கும் பாரத் ஜோடோ நீதி யாத்திரை குறித்தும் தலைவர்கள் விவாதிப்பார்கள் எனவும் கூறப்பட்டுள்ளது. வரவுள்ள லோக்சபா தேர்தலில், ஆளும் பாரதிய ஜனதா கட்சிக்கு எதிராக எதிர்க்கட்சிகளை ஒன்றிணைக்கும் வகையில் இந்த யாத்திரை நடத்தப்படுகிறது. திரிணாமுல் காங்கிரஸ் (டிஎம்சி) தலைவர் மம்தா பானர்ஜி , அரசு பணிகள் காரணமாக இந்த கூட்டத்தில் கலந்துகொள்ள மாட்டார் என பிடிஐ தெரிவித்துள்ளது.
